Gebarste Bakke

Dit is altyd 'n uitdaging om water op te gaar, al is dit in bakke of damme.

Bakke wat gebars is sal geen water inhou nie, so ook ons siel, as ons nie van die fontein met lewende water drink nie.

In Jeremia 2:13 staan geskryf; "My volk het twee sondes begaan: Hulle het My, die bron van lewende water, verlaat, en hulle het vir hulle waterbakke uit klip gekap wat gebars is en nie water hou nie."

Ons gebroke bakke wat ons gebruik is die plesier wat ons soek, tydverdrywe. Ons soek na dinge wat niks beteken nie, en kan nie meer onderskei tussen die goedheid en die slegheid nie, daarom sien ons nie die leegheid en doelloosheid van alles raak nie. Moenie jou skoene stukkend loop agter afgode nie, jou keel laat droog word van die dors nie.

Vader, daar is tye dat ek wankel in my geloof en dan soos 'n gebarste bak word. Help my die voorskrifte van U wet toe te pas sodat ek van die fontein van U water kan drink.

Here, help my om te onderskei tussen bakke wat gebars is en die fontein van die lewende water. Gee my geeslike verkwiking en help my op die pad van geregtigheid en vul my hart met hoop sodat ek nie dors word nie en U woord sal in neem.

Draai in jou angs na Christus toe. Hy is reeds by jou, Sy liefde en bystand bring altyd in elke situasie weer nuwe hoop. Ek weet nie wat more inhou nie, maar ek weet Wie more in sy hande hou.

God het 'n droom en 'n plan vir jou en my.

Amen

Nuwe Wereld van Hoop en Geloof vir die toekoms

Maak vandag 'n verskil in die wereld en vergeet van wat verby is. Vestig jou geloof en hoop op vandag. Dit is nie altyd maklik om te vergeet van gister nie, maar berei jou voor vir die nuwe lewe, nuwe wereld.

Jes.65:17 - Ek gaan 'n nuwe hemel en 'n nuwe aarde skep; aan die wat daar nou is, sal daar nie meer gedink word nie, hulle sal nie onthou word nie.

Ons almal koester op een of ander manier wense vir die toekoms alhoewel dit nie vir ons net goeie geluk bring nie, tog behoort jy nog positief te hoop dat God sy beloftes vir die toekoms gestand sal doen. Namate jy jou voorberei om die toekoms in te beweeg, wees aan God dankbaar vir dit wat agtergelaat word. Dit is nog goed om te droom en te hoop en ons self te beperk nie.

Daar is baie dinge wat ons vrees voor koester, dalk die huidige politieke situasie, ons kinders nie 'n toekoms het nie. Al hierdie dinge maak ons bang maar onthou God het belowe om met jou te wees, nou en tot die einde. O Gees van God, bewaar my daarvan dat ek aan die verlede sal vasklou, maar laat my vorentoe kyk met hoop en geloof op die nuwe wereld wat u gaan skep.

As hoop nie in ons oor gefluister het dat more beter sal wees nie, hoe sal enigeen die moed he om deur vandag te kom.

Hoop is die vertroue dat Jesus sal en Geloof is die oortuiging dat Hy kan.

Plaas jou hoop in die lewende God en glo dat Hy ook vir die toekoms sal voorsien.

Onthou die voetspore wat ons nalaat in die wereld maak 'n verskil in die toekoms en nuwe wereld.