Nuwe begin - maak toe die boek van gister!

Nuwe Begin:

Dis tyd dat jy 'n nuwe begin maak en die verlede laat gaan!

Maak toe die boek van jou hartseer en  jou verlede - die mislukkings en pyn wat jy gehad het, ook in die tye van verwerping en verwyte.

God is besig on 'n Nuwe Boek vir jou te skryf - 'n Boek van 'n Nuwe Begin vol Beloftes en Hoop.

Hy gee jou al die vergifnis en genade wat jy verdien. Net Jesus kan jou weer heelmaak en jou genees van al jou smart, hartseer, pyn en verwyte, asook al die herinneringe en seer emosies.

Dis tyd dat ons sal sê:  ‘Here, ek loof en dank U dat ek in Christus altyd ‘n nuwe hoopvolle begin kan maak'.  Om dit te kan sê moet ons toelaat dat God ons sal help om van vorige pyn, haat en verwerping te vergeet.

Elke dag is dan 'n nuwe dag - Laat Jesus jou boek se blaai, omblaai en jy sal vind dat elke dag 'n skoon blad sal wees. Begin 'n nuwe more op jou skoon blad. Los al die Gisters wat verby is, verby. Moenie toelaat wat gister was, nog jou nuwe dag, beinvloed nie. 

'n Nuwe dag en tyd het aangebreek in jou lewe wat vol vertroue, genesing in liggaam, siel

en gees sal wees.

Al wat ons te doen staan dan is om net elke dag "Dankie" te sê vir al die genade wat ons ontvang van Christus.

My gebed 

 Amen !

Jou woorde het die mag om jou bestemming te bepaal!

Spreuke 18:20-21 - "Deur die regte woorde te gebruik, kan 'n mens sy honger stil, hy kan genoeg kry om te eet deur wat hy sê;- Die tong het mag oor dood en lewe; die wat lief is om te praat, sal die gevolg dra.".

 

Ons woorde wat ons spreek en hoe ons dit oorbring op 'n daaglikse basis kan mag hê  oor wat jy kan bereik in die lewe.

Jou woorde vorm jou lot. Dit is waarom dit noodsaaklik is, dat jy jou woorde versigtig kies.

 Die woord van God bevat elke positiewe ding wat jy ooit nodig kan hê - van beloftes oor gesondheid, voorspoed, vrede en verlossing. Deur gehoor te gee aan die Skrif, kan jy die sluise van die hemel oopmaak om God in staat te stel om die bekentenisse te bring.

Jou mond is die skakel tussen die dinge wat God julle beloof het, of om sonder dit te leef. As jy die behoefte en erkening in elke area van jou lewe wil ervaar, begin vandag die beloftes in Sy Woorde te spreek en jy is gewaarborg suksesvolle resultate elke keer.

In Jesaja 55:11 staan geskryf - "so sal die woord wat uit My mond kom ook wees : dit sal nie onverigte sake na My toe terugkeer nie, maar dit sal doen wat Ek gedoen wil hê en totstand bring waarvoor Ek dit gestuur het".

Jy kan ook nie net sê wat jy voel en wat in jou opkom nie!  - want dan praat jy net oor die oomblik - as jy kwaad is en in 'n blik gedruk word, kan jy dalk vroom redeneer en dan sê dis hoe jy op die oomblik voel, maar as jy die volgende dag anders voel, kan jy weer anders praat. Wees dus liewers versigtig wat jy sê, anders kan jou woorde teen jou tel en jou lot bepaal in die toekoms.

Onthou, Die tong is magtiger as die swaard !

My Gebed: "Almagtige Vader, help my om 'n wag voor my mond te plaas en dat die woorde wat uit my mond kom, net lof liedere sal wees tot U. Hou my tong in toom sodat ek ander nie sal seermaak nie".

Amen!

 

 

 

 

 

.

Die tong is magtiger as die swaard

 

 

 

Wees stil voor God !

Wees stil voor sy Heilige aangesig en ervaar al Sy groot Wonderwerke.

 

Stille tyd is een van die mees rustigste ervarings. Ons mediteer vir baie dinge, hoekom plaas ons nie ons fokus op onse Vader wat in die Hemel is nie. Maak jou gedagtes skoon van die wereldse dinge en luister na God se roepstem.

 

Raak stil en voel Sy goddelike liefde en warmte om jou. Ons is almal so besig met ons wereldse programme dat ons nie tyd maak vir God nie. Daar is te veel dinge om te doen en te beleef.

 

Here, ek sukkel om partykeer stil te word voor U, met my besige lewe, help my om so stil te word dat ek net U stem kan hoor".

 

Raak stil en maak gebruik om Hom te aanbid. God sal jou alles gee wat jy voor vra as dit Sy wil is.

 

Daar is tye dat ek op my kniee gaan maar woorde ontneem my. Here, help my om my gedagtes net op U te rig en te vergeet van al my probleme en behoeftes. Ek wil U loof.

Bid gerus elke oggend en aand - Wees stil voor jou Verlosser - As jy dit doen en jou gebede tot God rig en dit opreg bedoel, sal jy ook mense rondom jou met meer genade behandel, en hulle sal dit agterkom.

Hoop is die onwankelbare sekerheid dat God se beloftes sal realiseer - gegrond nie op 'n ydele wens nie, maar op die werklikheid van die lewe, sterwe en opstanding van Jesus Christus. Wanneer jy stil voor jou Vader word, kan jy sonder enige skroom weet dat God luister en dat jou gebede bewaarheid sal word.

Maak die kamer se deur toe,  of enige plek waar jy alleen met God kan wees. Raak stil en nederig en luister na God se antwoord, om alleen saam met Hom te kan wees, sal jou al die vrede en rustigheid gee wat jou hart nodig het. Wanneer jy jou stilletyd net tot God rig kan jy dadelik die verskil voel wanneer jy opstaan en uitstap. Vol vrede en geluk.

"Vader, vandag raak ek stil voor U, help my om te fokus en net U in my gedagtes kan he en al die ander probleme en bekommernisse wat opdui, soos die wind sal verdwyn. Ek is Lief vir U".
Amen!.

Nuwe Wereld van Hoop en Geloof vir die toekoms

Maak vandag 'n verskil in die wereld en vergeet van wat verby is. Vestig jou geloof en hoop op vandag. Dit is nie altyd maklik om te vergeet van gister nie, maar berei jou voor vir die nuwe lewe, nuwe wereld.

Jes.65:17 - Ek gaan 'n nuwe hemel en 'n nuwe aarde skep; aan die wat daar nou is, sal daar nie meer gedink word nie, hulle sal nie onthou word nie.

Ons almal koester op een of ander manier wense vir die toekoms alhoewel dit nie vir ons net goeie geluk bring nie, tog behoort jy nog positief te hoop dat God sy beloftes vir die toekoms gestand sal doen. Namate jy jou voorberei om die toekoms in te beweeg, wees aan God dankbaar vir dit wat agtergelaat word. Dit is nog goed om te droom en te hoop en ons self te beperk nie.

Daar is baie dinge wat ons vrees voor koester, dalk die huidige politieke situasie, ons kinders nie 'n toekoms het nie. Al hierdie dinge maak ons bang maar onthou God het belowe om met jou te wees, nou en tot die einde. O Gees van God, bewaar my daarvan dat ek aan die verlede sal vasklou, maar laat my vorentoe kyk met hoop en geloof op die nuwe wereld wat u gaan skep.

As hoop nie in ons oor gefluister het dat more beter sal wees nie, hoe sal enigeen die moed he om deur vandag te kom.

Hoop is die vertroue dat Jesus sal en Geloof is die oortuiging dat Hy kan.

Plaas jou hoop in die lewende God en glo dat Hy ook vir die toekoms sal voorsien.

Onthou die voetspore wat ons nalaat in die wereld maak 'n verskil in die toekoms en nuwe wereld.