Volhard in Hoop en God sal jou krag gee.

Here my God wanneer daar geen lig aan die einde van die tonnel is nie, help my om my hoop op U te plaas.

Wanneer ons erken dat in ons persoonlike lewe ons afhanklik is van onse Vader wat in die Hemel woon, die lewe in 'n omsien verander en God gee ons die Hoop en krag om voort te gaan.  Hoop is 'n passie wat moontlik is. Ons moet ons net daarop toe le.

Hoop is soos musiek klanke wat vreugde in jou lewe bring.
Laat die musiek note jou die leiding gee en sing to eer van Hom.

 Wanneer jy God aanbid en waarlik in Hom glo kan jy jubel van vreugde. Hy sal jou vashou en beskerm.  God gee jou die vertroosting en krag om nuwe hoop te he wanneer ons droewig is en probeer om 'n dapper front voor te hou.

Moenie in die skaduwees van die lewe, loop nie. Laat hoop in jou hart brand en glo dat alles reg sal kom. Onthou dat ons krag van Bo af kom. Gebruik jou krag om God te verheerlik en loof Sy naam en dan sal hoop in ons lewens nie verflou nie.

As 'n Christen het ons oneindig baie om ons oor te verheug. Gee jou lewe oor aan jou Verlosser en vrede sal met jou wees. Hierdie vreugde behoort aan jou omdat Christus jou baie lief het. Sy liefde sal jou jou angs verdryf en in elke situasie staande hou. Jy moet 'n intieme verhouding met God he.

Ware gebed sal jou al die antwoorde gee wat jy soek, as jy net geduldig op Hom sal wag totdat Hy op Sy tyd jou die regte antwoorde sal gee. Bou jou krag en hoop op God en luister na jou hart as die Heilige Gees met jou praat. Maak jou hart oop en ontvang Hom met liefde.

 

Jou liefde vir Christus sal in jou gesprekke gehoor word en in jou lewe sigbaar wees.

Hou aan om te hoop op God en vra vir sy krag om jou te dra.

 

Here Jesus help my om altyd my versier op U te rig sodat ek my krag en hoop van U sal ontvang.

My Dank Lied

'n Enkele gedagte van dankbaarheid wat opstyg na die Hemel, is 'n volmaakte gebed.

Here, ek sing 'n danklied tot U eer vir al die seeninge, genade en liefde wat u so getrou, my deur die lewe dra.

Ek word so baie oorval met emosies en gedagtes wat my moedeloos en ontevrede maak, maar dan gee U my, U beloftes, elke dag dat U my sal dra tot die einde. Ek is opreg dankbaar vir U seeninge en wonderlike liefde. Ek is dankbaar dat U my gedagtes ken nog voor ek dit tot werklikheid gebring het.

 U is 'n wonderlike Vader en wanneer ek stil word in U teenwoordigheid en na al die goeie dinge kyk wat U my voorsien het, voel ek klein en nederig.

Psalm 145

"Ek wil U lof verkondig, my God en Koning,

ek wil U Naam altyd loof, elke dag wil ek U loof,

ek wil U Naam altyd prys, die Here is groot,

alle lof kom Hom toe, Sy grootheid is ondeurgrondelik"

U is in volkome beheer van my lewe en daarom kan ek met volle vertroue in U leef. Prys die Here aan U kom al die eer toe.

Dankie dat U altyd oral om my is - Dankie vir genade - Dankie dat ek veilig by U kan skuil.

Dankie dat ek my hart tot U kan oopmaak,

Dankie dat U my liefhet, en leer my om lief te he soos U my liefhet.

Amen

Gee beheer oor aan Christus

Wanneer jy swak en kwesbaar is, voel ons baie keer eensaam en alleen. Daar is 'n brandende hopeloosheid wat oor jou hang. Moenie alleen voel nie, jy is nie die enigste een wat so voel nie.

Praat met God en vertel hom eerlik van jou gevoelens. Dit is van allergrootste belang dat jy sal onthou dat die Heilige Gees rondom jou is en God voorsien jou die krag om jou kop op te lig en voort te gaan. Ons moet net luister en sy stem sal jou dra op jou lewenspad.

Gee beheer oor aan Jesus Christus en Hy sal jou lei met selfvertroue om enige situasie en uitdaging onder te kry. Laat Jesus jou denke oorhees en plaas jou hoop op Christus en nie op jou eie vermoens nie.

 "Here vandag voel ek so kwesbaar, neem beheer oor my lewe sodat ek met vertroue in U kan leef. U almag is my waarborg dat my toekoms veilig by is en ek loof U daarvoor."

Is dit nie wonderlik om te weet dat God na jou sprekke met Hom luister en Sy teenwoordigheid bekend maak deur blywende hoop te verseker as ons net beheer aan Hom oorgee. Wanneer jou kragte begin ingee en jy dreig om tou op te gooi fokus net op Christus want sy liefde vir ons het ons vry gemaak.

Om te glo, hoop en lief te he vereis harde werk en ons kan dit alleenlike doen met die hulp van Bo. Laat die Here jou lewenspad vir jou loop en gee beheer oor aan Hom en die pad vorentoe sal so veel makliker wees. Ons is mensekinders en God weet dit, daar sal Hy jou nooit alleen laat nie. Volhard tot die einde en God gee jou die ewige lewe.

Hy is die Alfa en Omega, Begin en die Einde, Eerste en Laaste.

Amen