Jou woorde het die mag om jou bestemming te bepaal!

Spreuke 18:20-21 - "Deur die regte woorde te gebruik, kan 'n mens sy honger stil, hy kan genoeg kry om te eet deur wat hy sê;- Die tong het mag oor dood en lewe; die wat lief is om te praat, sal die gevolg dra.".

 

Ons woorde wat ons spreek en hoe ons dit oorbring op 'n daaglikse basis kan mag hê  oor wat jy kan bereik in die lewe.

Jou woorde vorm jou lot. Dit is waarom dit noodsaaklik is, dat jy jou woorde versigtig kies.

 Die woord van God bevat elke positiewe ding wat jy ooit nodig kan hê - van beloftes oor gesondheid, voorspoed, vrede en verlossing. Deur gehoor te gee aan die Skrif, kan jy die sluise van die hemel oopmaak om God in staat te stel om die bekentenisse te bring.

Jou mond is die skakel tussen die dinge wat God julle beloof het, of om sonder dit te leef. As jy die behoefte en erkening in elke area van jou lewe wil ervaar, begin vandag die beloftes in Sy Woorde te spreek en jy is gewaarborg suksesvolle resultate elke keer.

In Jesaja 55:11 staan geskryf - "so sal die woord wat uit My mond kom ook wees : dit sal nie onverigte sake na My toe terugkeer nie, maar dit sal doen wat Ek gedoen wil hê en totstand bring waarvoor Ek dit gestuur het".

Jy kan ook nie net sê wat jy voel en wat in jou opkom nie!  - want dan praat jy net oor die oomblik - as jy kwaad is en in 'n blik gedruk word, kan jy dalk vroom redeneer en dan sê dis hoe jy op die oomblik voel, maar as jy die volgende dag anders voel, kan jy weer anders praat. Wees dus liewers versigtig wat jy sê, anders kan jou woorde teen jou tel en jou lot bepaal in die toekoms.

Onthou, Die tong is magtiger as die swaard !

My Gebed: "Almagtige Vader, help my om 'n wag voor my mond te plaas en dat die woorde wat uit my mond kom, net lof liedere sal wees tot U. Hou my tong in toom sodat ek ander nie sal seermaak nie".

Amen!

 

 

 

 

 

.

Die tong is magtiger as die swaard

 

 

 

As jy val - moenie moed verloor nie - staan op

2 Samuel 22:2-7- "Die Here is my rots, my skuilplek en redder, my God, my rots, by wie ek skuil, my skild en sterk Verlosser, my veilige vesting, my toevlug en bevryder. Van geweld het U my verlos".

Die lewe kan soms baie hard en ongenaakbaar wees. As dinge te veel en woes raak, gaan skuil by die Here, want op Hom kan jy vertrou.

Moenie moed verloor as jy val nie, dis nie hoe hard jy val nie, maar hoeveel keer jy opstaan wat saak maak. Dit is ook nie wat die lewe na jou toe gooi nie, maar wat jy daarvan maak.

Die onderskeiding is, hoe ons reageer as ons val. Partykeer verwyt ons, onsself,  sommige van ons bly lê en voel jammer vir onsself en vertel dan hoe onregverdig die lewe is. Die grootste deel van ons pad is ons eie keuses wat ons maak en moet dit dan hanteer met die krag en genade van die Here.

 

Ons bly maar menslik, swak en vol foute. Ons is nie volmaak nie en almal maak een of ander tyd foute, verkeerde keuses wat jou hard grond toe bring, maar as God jou anker en skuilplek is, kan jy verseker wees, jy gaan sterk anderkant uitkom. 

 

God het steeds 'n plan met jou en soms wil wil ons net moed verloor - ons lewens is so gejaag, daarom verander die Here ons rigting soms en word ons gedwing om stil te sit, om ons te laat besef wat Hy vir ons wil sê, in ons omstandighede.

 

Die Here het Sy oë oral op die aarde, sodat Hy die kan help wat op Hom vertrou met hul hele hart.

 

Daarom moenie moed verloor nie, ons almal struikel soms, staan weer op en leer daaruit en hou jou oë gerig op die Here. 

 Onthou daar is altyd hoop en as jy bly lê dan sien jy dit nie raak nie.

 

Die Here is jou rots en anker.

My gebed: "Here, Jesus help my om weer op te staan as ek val en  om nie moed te verloor nie. U is my rots en ek hou my oë stewig op U gerig".

 

Amen!

 

Here, dankie vir vrou-wees

          Vrouedag-maand- Augustus

Hooglied 4:7-  'Alles aan jou is mooi, my liefling, aan jou is niks verkeerd nie'.

Ek is ‘n Vrou -  

Here, ek verruil die wonder van vrou-wees vir niks –

Help my om in  elke faset daarvan ‘n kanaal te wees van U Goddelike liefde, lig en lewe, soos net ‘n vrou kan.

Ek is Ek –

Ek is menslik, Here-

Ek het foute en gebreke. Dankie dat U my aanvaar net soos ek is en my foute vergewe.

Ek is ‘n Maat –

Dankie vir die vervulling van ‘n huweliksmaat-wees, Here.

Dankie vir die gee en neem. Help my om nog meer te word wat die ander nodig het. Seën ons verhouding.

Ek is ‘n Ma -

Dankie vir die voorreg van ma wees –

Die wonder en pyn daarvan is soms te veel, maar ek is dankbaar dat ek dit kan deel met U, wat ook ‘n Vader is.

My-Dag –

Dankie dat ek ‘n af-dag kan hê, Here –

‘n dag om te doen wat lekker is – As dit dan nie vandag kan wees nie, neem ek later ‘n "ek-dag”.

Ek is ‘n Vriendin –

Here Jesus, dankie vir my wonderlike vriendinne -

Maak my ook ‘n ware vriendin vir hulle.  Ek wil ook ‘n vriendin wees vir diegene wat ek minder goed ken.

Ek is U sin, Here –

Ek is U volgeling Here Jesus . U is my Verlosser en Here.

Help my om te doen soos U gedoen het en te praat soos U gepraat het.

Vul my met U Heilige Gees.

 Amen!

Geweeg en te lig gevind?

Esegiel 45:10-12 - Julle moet skale gebruik wat reg weeg en julle moet die regte inhoudsmate vir droëstowwe en vir vloeistowwe gebruik. 1nhoudsmate moet deurgaans dieselfde bly, volgens 'n vaste maatskaf. Gewig moet volgens 'n vaste maatstaf bepaal word.

 

Telkens as ek na my eie lewe kyk, is daar soveel dinge waaraan ek myself meet en telkens is die resultate; "te lig".

 

Daar is soveel dinge waar ek voel ek het nie hard genoeg probeer nie en voldoen nie aan die standaarde nie. Probeer ons om die standaarde van die lewe te handhaaf ?, -  of om God se skaal se balans te behou -  die regte hoeveelheid te handhaaf!.  Hoe doen ons dit in hierdie deurmekaar wêreld ..

 

Ons gebruik almal 'n skaal om onsself te weeg en sal wat wil gee om 'lig' te wees, dis in gewig; maar dit werk nie altyd so in die werklike lewe nie.

 

Hoe meet ons, onsself om balans te bepaal en die waarde daarvan?.

 

Vir meeste van ons is dit maar moeilik om die waarheid te erken. Daar is soveel haat, vyhandskap, leuens, valsheid, jaloesie,  huigelary in hierdie hedendaagse lewe, dat dit baie moeilik gaan om vol te hou, aan jou eie balans.

 

In Psalm 62:10 staan geskrywe -  "Mense is verganglik, mense is niks : op 'n skaal wys hulle geen gewig nie, saam is hulle minder as niks". -

 

Al wat ek kan dink is,  om ons besig te hou met die dinge wat tot eer van die Skepper is. Enige ding wat nie daarmee te doen het nie, sal altyd 'n wanbalans tot gevolg hê.

 

Net God ken my gedagtes en ook my opregte bedoelens, my berou, trane en smart. Hy weet waarheen ek oppad is en waarmee ek gelouter moet word om die skaal weer in balans te plaas.

 

"Hemelse Genadige Vader, help my om elke dag so te leef, dat ek die regte balans sal vind op die skaal waaraan ek gemeet word".

Amen!

 

Liefde is 'n daad !

             1 Johannes 3:18 - "Liewe kinders, ons liefde moenie net woorde en lippetaal wees nie, maar moet met die daad bewys word, en dan in opregtheid".

Elke goeie werk wat ons doen is 'n daad van liefde ...Wie aardse besittings het en sy broer sien gebrek ly, maar geen gevoel vir hom het nie - hoe kan die liefde, God in hom wees.

 

Februarie is gewoonlik die maand van liefde.. Ons is almal maar mense, party mense glo in "Valentyn'sdag" en ander nie  - maar as ons die vraag stel, waar kom liefde vandaan, dan kan ons net aan een ding dink, God is liefde en Hy woon in ons harte.  

 

Wanneer die liefde in ons harte is, is dit soveel makliker om ook liefde aan ander te bewys en goeie dade te doen.

 

Die belangrikste is, as jy maar net in Jesus Christus bly glo, solank jy net in sy liefde bly, dan sal liefde ook in jou hart bly leef. Vra God om jou te help om liefde ook aan ander te bewys en daardeur jou goeie dade voort te sit. Wanneer die liefde 'n werklikheid geword het, dan kan ons ook vanuit die liefde, gaan lewe in alle goeie werke.

 

Elke goeie werk is 'n daad van liefde - Laat ons uitgaan en liefde bewys in ons dade sodat die regterhand nie weet wat die linkerhand doen nie.  Ons probeer partykeer uitbasuim wanneer ons 'n goeie daad verrig het, want almal moet daarvan weet. Wees verseker, jou Vader in die Hemel weet alles wat jy doen. Prys God! -  Moenie toelaat dat ons liefde vir ander, afwater nie.

 

Larry Grabb -"liefde beteken om sonder selfbeskerming nader aan ander te beweeg. Deur lief te hê word ons kwesbaar vir die seerkry, omdat ons geloof in die krag van die liefde groter word as ons vrees vir verwerping. Natuurlik maak dit seer om lief te hê, maar om nie lief te hê nie, maak nog seerder".

 

Geloof, Hoop en Liefde - bly hierdie drie - en die grootste hiervan is die Liefde

 

My gebed: "Hemelse Vader, God van liefde, help my om liefdesdade aan ander, deur dade te wys en uit te gaan om goeie werke alleenlik in U naam te doen".

Amen.

 

 

Hoe sterk glo jy in die onsienbare God.

 

 

               2 Korintiërs 4:18 - Ons oog is nie op die sigbare gerig nie, maar op die onsigbare; want die sigbare dinge is tydelik, maar die onsigbare, ewig.

 

Ons vra baie keer vir wondertekens omdat ons nie glo nie, daarom red God diẻ wat glo. God se Woord is lewend en kragtig.

In Johannes 1,1:4 staan daar. " In die begin was die Woord daar, en die Woord was by God, en die Woord was God self. Hy was reeds in die begin by God. Alles het deur Hom tot stand gekom. Ja, nie 'n enkele ding wat bestaan, het sonder Hom tot stand gekom nie. In Hom was daar lewe, en die lewe was die lig vir die mense".

God gee vir ons krag wanneer Hy die Heilige Gees oor ons laat kom. Daar is baie mense wat ongelowig is en nie glo in die hiernamaals nie, want dis onsigbaar.  Baie kan nie verstaan dat ons as Christene die pad saam met God loop en Hom blindenins volg nie.

 

Al wat God vra, is vir ons om te glo in Hom,  want Hy vat jou na die wenstreep toe. Tog glo ons as ons op ons knieë gaan en 'n gebed tot God rig. Vra God deur die Heilige Gees, om jou geesteoë oop te maak.

Het God al jou bede verhoor? Ons almal het al een of ander iets gevoel...Waar het dit vandaan gekom? God sê wie in My glo, het die ewige lewe.

Hebreërs 11:1 - Om te glo, is om seker te wees van die dinge wat ons hoop,om oortuig te wees van die dinge wat ons nie sien nie.

Ja, ek kan onomwonde sê : EK GLO.
 Hemelse Vader, in 'n wereld van ongeloof en twyfel, bely ek vandag my geloof in U. Ek kan U nie wetenskaplik bewys nie, maar ek kan U beleef. U leef in my hart!

Amen!

                                         

Woord van God - Gees Vervulde Lewe

Romeine 8:14 - Almal wat wat hulle deur die Gees van God laat lei, is Kinders van God.

 

 

Om met God in 'n verhouding te tree kan in 'n verheerlike innige gevoel onwikkel. Die Gees van God lei ons op 'n daaglikse wese en veryk ons liggaam, siel en verstand. Vertrou op God seWoord en laat Hom toe om jou te lei in jou wereldse stryd. Met die Here se Woord sal Sy lig jou lei en self die donker tye in jou lewe verlig.

Johannes 12:26 - Äs iemand My wil dien, moet hy My volg; en waar Ek is, daar sal my dienaar ook wees. As iemand My dien, sal die Vader hom eer".

Die Woord van God is ook die Wet van God. God het ons die tien gebooie gegee om te gehoorsaam. Romeine 13:8-10

Ons ervaar God se teenwoordigheid egter nie net wanneer ons met Sy Woord besig is nie, maar as jy om jou kyk en God se wonderlike werke raaksien, die voel's gesange in die oggend, die son se warm strale, die silver maanlig in die aand en blinkende sterre in die hemel wat vir jou knpoog, die wonder   van 'n baba se geboorte, die soet geur van die vroer reen op die gras, die kleurryke blommeprag, die salige silte net voor 'n storm losbars, dan weet jy dat net God se Hande dit kan verrig.

 Psalm 33:9 - Deur die woord van die Here is die hemele gemaak deur sy bevel al die hemelliggame.

Hemelse Vader dankie dat ek my tot U kan rig en dat U my met U wonderlike Gees vervul. Laat U seen en lig oor my skyn en dat ek aan U Woord vas sal hou en getrou kan wees.
In Jesus Naam alleen.
Amen!





 

Nuwe Lewe (Oorwinning)

 

 

 

Ons het saam met Christus gesterwe.
 

 

Kolossense 2:20 "Julle het saam met Christus gesterwe en is dus dood vir die wettiese godsdienstige reels van hierdie wereld". Waarom lewe julle dan nog asof julle aan hierdie wereld behoort?"
 

 

God vra dat ons die ou sondige gewoontes verbreek en moet leef die lewe van 'n nuwe mens, wat al hoe meer vernuwe word na die beeld van ons Skepper en wat ons doen of se, doen of se dit in die Naam van die Here Jesus en dank God die Vader deur Hom.

 

"Laat ons koers hou op die pad waarmee ons tot hiertoe gekom het" - Filippense 3:16

 

Wanneer ons na Jesus kyk en besef wat Hy alles vir ons prysgegee het, is dit maklik om aan te hou hardloop. Dis 'n geloofswedloop waarop jy jou oe moet vestig op Jesus, en doen dit met volharding, want wie tot die einde toe volhard, sal gered word.

 

2 Korintiers 6:17 - "Iemand  wat aan Christus behoort, is 'n nuwe mens. Die oue is verby - die nuwe het gekom".

 

Here, help my om nie om te kyk nie, maar vorentoe te kyk en die Oorwinnings lied saam met U te kan sing, wanneer die dag aanbreek, wanneer U ons kom haal.

In Johannes 3:3 se Jesus "Dit verseker Ek jou: As iemand nie opnuut gebore word nie, kan hy die koninkryk van God nie sien nie".

 

Hemelse Vader,  help my om my lewe te verander sodat ek 'n nuwe lewe saam met U kan loop en kan volhard deur geloof tot die einde. Dankie vir die versekering dat ons 'n oorwinnings lied sal sing en die Heerlikheid wat ewig sal bly, te kan ontvang.

Amen!

U vee my trane af.

Daar is donker tye in my lewe en U vee my trane af.. Hoe dankbaar is ek vir U bestaan. Alleen kan ek dit nie doen nie. O Here, wees my genadig. U alleen kan die seer in my hart regmaak.

Dit is goed dat ek swaarkry, want daardeur het ek U voorskrifte geleer. Dat U my laat swaarkry, is 'n teken van U trou.. - Ps.119:71.

 

Ontferm u oor my, dat ek kan lewe volgens U voorskrifte. Ek smag na U redding en ek vertrou op U woord.

 

Nie een van ons kan swaarkry vryspring nie. As jy onderneem om God se wet na te kom, sal Hy jou beskerm in alle gevaarsituasie en ook jou seer uit jou lewe neem. In Psalm 42,  is daar 'n versugting na God. "Soos 'n wildsbok smag na waterstrome, so smag ek na U, o God".

 

 

Siekte en hartseer kan verreiklike gevolge he, en jou selfs aan God se liefde laat twyfel. Plaas jou lewe in God se hande en jou gebede sal verhoor word. Ek het ondervind dat God altyd aan Sy woord getrou is.

Dankie Here, dat my hoop nog op U is en dankie dat ek na U toe kan kom, en soos U belofte, vee U my trane af en omsirkel U my met U liefde en beskerming.

 

'Here vandag bid ek vir U beskerming oor almal wat hierdie woord lees en hartseer en trane het wat afgevee moet word. Seen elkeen van ons en laat U lig oor ons straal sodat ons ons hoop op U sal plaas".

 

Amen!

 

Wees stil voor God !

Wees stil voor sy Heilige aangesig en ervaar al Sy groot Wonderwerke.

 

Stille tyd is een van die mees rustigste ervarings. Ons mediteer vir baie dinge, hoekom plaas ons nie ons fokus op onse Vader wat in die Hemel is nie. Maak jou gedagtes skoon van die wereldse dinge en luister na God se roepstem.

 

Raak stil en voel Sy goddelike liefde en warmte om jou. Ons is almal so besig met ons wereldse programme dat ons nie tyd maak vir God nie. Daar is te veel dinge om te doen en te beleef.

 

Here, ek sukkel om partykeer stil te word voor U, met my besige lewe, help my om so stil te word dat ek net U stem kan hoor".

 

Raak stil en maak gebruik om Hom te aanbid. God sal jou alles gee wat jy voor vra as dit Sy wil is.

 

Daar is tye dat ek op my kniee gaan maar woorde ontneem my. Here, help my om my gedagtes net op U te rig en te vergeet van al my probleme en behoeftes. Ek wil U loof.

Bid gerus elke oggend en aand - Wees stil voor jou Verlosser - As jy dit doen en jou gebede tot God rig en dit opreg bedoel, sal jy ook mense rondom jou met meer genade behandel, en hulle sal dit agterkom.

Hoop is die onwankelbare sekerheid dat God se beloftes sal realiseer - gegrond nie op 'n ydele wens nie, maar op die werklikheid van die lewe, sterwe en opstanding van Jesus Christus. Wanneer jy stil voor jou Vader word, kan jy sonder enige skroom weet dat God luister en dat jou gebede bewaarheid sal word.

Maak die kamer se deur toe,  of enige plek waar jy alleen met God kan wees. Raak stil en nederig en luister na God se antwoord, om alleen saam met Hom te kan wees, sal jou al die vrede en rustigheid gee wat jou hart nodig het. Wanneer jy jou stilletyd net tot God rig kan jy dadelik die verskil voel wanneer jy opstaan en uitstap. Vol vrede en geluk.

"Vader, vandag raak ek stil voor U, help my om te fokus en net U in my gedagtes kan he en al die ander probleme en bekommernisse wat opdui, soos die wind sal verdwyn. Ek is Lief vir U".
Amen!.

Glo en deure sal vir jou oop gemaak word.

Ons is partykeer soos ongelowige Thomas's.

Ons almal dink dat ons lewens sal verander en beter gaan wees as in die verlede. Dit gaan oor ons hoop en drome vir die toekoms.

 'n Mens kan net volkome volledig voel wanneer jy in die teenwoordigheid van God se lewe is. Wanneer 'n probleem in jou weg kom en jy raak geirriteerd en ongelukkig, glo in God, plaas alles in sy hande en jy sal vind dat deure vir jou sal oop gaan. Droom groot drome en glo dat dit beantwoord sal word, dan sal dit wel gebeur. Glo in Christus en jy sal tot enigiets in staat wees.

Jesus se dissipels het alles gelos wat hulle mee besig was en Jesus gevolg, hulle het nie vrae gevra nie, net geglo en Hom gevolg. Dit is wyse van vertroue, hoop en liefde. Ons kan almal uitstyg bo die negatiewe gedagtes as ons ons denke op Hom rig en glo.

Niemand het God nog ooit gesien nie, maar as ons mekaar liefhet, bly God in ons en het sy liefde in ons sy doel bereik. - 1 Johannes 4:12

 Plaas God heel eerste in jou lewe en Hy sal jou seen. Ons moet met kinderlike vertroue na hom toe kom en glo dat al ons sondes vir ons vergewe is. Onthou die regte tyd is God se tyd nie ons tyd nie. God weet alreeds wat in ons gedagtes is, maar Hy wag dat ons ons na Hom toe sal wend en glo dat al ons probleme sal verdwyn. Stel jouself oop en God sal die res doen en herinner jouself daaraan dat jy nie alleen is nie.

"Here lei my vandag deur Jou  Heilige Gees sodat ek U kan vind. Ek glo dat U my lief het en ek aanvaar dat U my heelmaak in my tyd van ongelowigheid"