Wanneer jy seer het, wees stil voor die Heer.

Sagaria 2:13 - Wees stil voor die Here, al wat leef. Hy kom uit sy heilige woning te voorskyn.

Wanneer jy voel dat alles te veel word en jy kan jou seer nie meer alleen dra nie, raak stil voor die Heer. Hy sal jou toevou in Sy genade en jy sal besef dat jy nie sonder Hom kan wees nie.

Hierdie pragtige woorde is een van die gesange - Lied 519

Wees stil en weet: Ek is die Heer.

Ek spreek, en die wind en golwe bedaar, 

Ek sal ook jou getrou bewaar.

Wees stil en weet: Ek is die Heer.

Ek ken jou pyn, jou donkerste nag.

Ek is by jou, Ek gee jou krag.

Wees stil en weet: Ek is die Heer.

Kom bring na My jou kommer en vrees.

Ek sal vir jou 'n toevlug wees.

Wees stil en weet: Ek is die Heer.

Bly waak en bid; volhard in geloof.

Ek is by jou soos ek beloof.

My Heer, rustig sit ek by U Voete, want ek weet U sal my genade gee en my seer weer heel maak.

Dankie vir die belofte dat u my pyn en vrees ken.

U luister na my stem elke dag Heer.

My gebed: Dankie Hemelse Vader dat ek elke dag vir U tyd kan inruim en stil voor U kan word. Dankie dat ek my probleme, my seer, my wese met U kan bespreek, en weet dat U my dra elke dag.

Amen!

Voetspore

Voetspore

 

Psalm 63:8 - "U is vir my 'n hulp, en dan juig ek oor die beskerming onder u vleuels".

Here, ek is besig om 'n pad te loop nader aan U en weet dat U my dag na dag sal dra.

Soms oor lang dae en lang nagte wonder ek waarheen my lewe my sal lei, dae vol kommer, maar as ek aan U dink en oor U peins in die nag, dan weet ek U is vir my 'n hulpbron. 

U belofte dat U vir my die regte pad sal aanwys maak dit soveel makliker. By U vind ek beskerming en U dra my.

En die Here antwoord - "My liewe kind, ek het jou nooit verlaat nie! Die tye toe jy slegs een ry voetspore gesien het, was dit die tye toe ek jou gedra het".

Het jy al gewonder as jy op die strand loop en al die voetspore in die sand sien, wie se spore dit is ! - Was hulle alleen en diep in gedagte - eensaam, hartseer of was dit paartjies wat hand in hand geloop het,  baie verlief en gelukkig. Ons almal laat onvermydelik fisiese voetspore in die werêld om hooplik 'n verskil te maak.

So loop Jesus die pad vir ons ook vooruit. Hy dra ons in tye van nood. Hy hou ons voetspore dop en ontferming Hom oor ons. Ons moet Hom net volg. 

Petrus 1 - 2:21 staan geskryf;  "Juis hiervoor is julle ook geroep, omdat Christus self vir julle gely en so vir julle 'n voorbeeld gestel het, sodat julle in sy voetspore kan volg".

My gebed: - "Hemelse Vader, dankie, dat U dit vir my moontlik maak om die voetspore van gister te kan vergeet en 'n nuwe pad vorêntoe met U aan my sy te loop.  Here, ek bid dat U weer vir my openbaar hoe belangrik U Woord in my lewe is."

Amen!

 

Steel kommer jou krag ?

Johannes 16:33 - Dit sê ek vir julle, sodat julle vrede kan vind in My. "In die wêreld sal julle dit moeilik hê; maar hou moed. Ek het klaar die wêreld oorwin".
 

Ek wonder gedurig, hoekom is my lewe nie soos ek dit altyd wil hê
nie - Die kommer oor wat môre gaan gebeur is partykeer baie swaar op my hart. - Gaan ek nog 'n werk hê oor 'n paar jaar, waar gaan my brood vandaan kom - wat van bly plek. Wat gaan met ons land gebeur?.  Daar is soveel twyfel in my hart soms, dat ek baie keer sommer moeg voel.

 

 Dan kyk ek na buite; en as ek die pragtige dag aanskou, raak ek skoon skaam. God gee al hierdie wonderlike dinge vir my en tog is ek nog nie gelukkig nie. Hoekom bekommerd ek my oor die dag van môre?

 

Onthou,  kommer vat nie môre se sorge weg nie - dit steel vandag se krag. Lê al jou bekommerse voor Sy voete. Glo soos 'n kind. Stres en kommer kan jou in depressie sit en die sleutel is om die lewe ten volle te geniet tenspyte van al die kommer en teleurstellings.  Moenie dat kommer jou krag steel nie.

 

In 1 Petrus 5:7 staan - "Werp al jou bekommernisse op Hom, want Hy sorg vir julle."
 

God is die een wat vir ons sorg! Ons moet ons nie bekommerd oor môre nie en net op Hom vertrou, want Hy sal jou bystaan in die tyd van kommer en sal jou krag gee om voort te gaan.

 

Psalm 121 : Ek kyk op na die berge; waarvandaan sal daar vr my hulp kom? . My hulp kom van die Here wat hemel en aarde gemaak het.
 

Bly blymoedig want vreugde hou jou sterk.

My gebed: "Here Jesus, dankie dat ek my kommer voor U voete kan neerlê en die wete het dat U my al die krag sal gee om elke dag voort te gaan".
Amen!

 

Blydskap, vreugde en 'n glimlag weerspieёl deur die oё !

Spreuke 15:13 - Blydskap laat 'n mens se gesig straal.

Sodra ons opgewonde en bly is skep ons vreugde wat ons gesig laat straal en dit maak nie saak wat die dag bring nie, dit verander ons gesig, en 'n opregte glimlag is baie aansteeklik.

'n Glimlag wat ook in die oё sigbaar is, is die maklikste manier om ander te laat glimlag, want dit dra die vriendelikheid aan ander oor en skep vreugde oral waar jy mag gaan. Die vreugde van, om God by jouself te ervaar, ondanks jou omstandighede wat ook al, verander dikwels dat mense jou deur ander oё sien. Die glimlag sal nie die omstandighede waarin jy jou bevind verander nie, maar dit sê vir almal wat jy teёkom dat God nog in beheer is van Sy kinders.

Vreugde kan ook,  hoe negatief ons omstandighede is,  in die lewe van God se kinders laat besef,  dat God met ons is, want ware vreugde en blywende blydskap is alleen in die Here te vind.  Ons is God se kinders en wat 'n wonderlike geskenk is dit nie.  Blydskap maak ons kommer en laste ligter.  Om vrolik en opgeruim te wees, skep ons vreugde aan ander so ver ons gaan.

Meer nog, as jy die dag verslae voor God staan en jou sondes bely wat jy teen God oortree het, en God sê, "my kind, jy kan gaan want jou sondes is vergewe", bars die vreugde deur jou want jy is weer nuut, want Jesus het gesterf vir ons sondes.

Vriendelikheid en 'n glimlag kan nie met geld gekoop word nie, maar jy kan 'n verskil in iemand anders se lewe maak wanneer jy met opregte warmte en vriendelikheid na hom/haar kyk, maak nie saak wie die persoon is nie.

Dit is waar dat dit nie altyd maklik is om vrolik te wees nie, want alle verhoudings is broos, ons raak ouer, jy staan partykeer alleen en ander versaak jou, maar onthou God sal jou nooit versaak nie.

Psalm 43:4 - "vreugde, bring my na 'n heilige berg, na U woning, dat ek by U kan ingaan en met vreugde oor U kan jubel en juig!

Dankie Hemelse Vader dat ek met opregte vriendelikheid en blydskap na ander kan kyk want ek weet U is met my en my glimlag weerspieёl in my oё.

 Amen!

Beloftes van God

Bekommernisse: Moet nooit toelaat dat enigiets of iemand God se plek in jou lewe inneem nie.

Wie van julle kan deur hom te bekommer sy lewe met een enkele uur verleng - Matteus 6:27

 Dankbaarheid: Ons moet vir God dankie se vir elkeen van sy seeninge.

Wees in alle omstandighede dankbaar, want dit is wat God in Christus Jesus van julle verwag - 1 Tessalonisense 5:18

Gebed: Maak seker dat al jou gebede op God gefokus is.

Die Here sal jou genadig wees as jy na Hom roep om hulp. Hy sal jou gebed verhoor sodra Hy dit hoor. - Jesaja 30:19

Geduld: As jy getrou is aan jou roeping as volgeling van Jesus, sal jy nooit ongeduld toon wanneer jy met die nood and ander te doen het nie.

'n Verstandige mens beteuel sy humeur en stel sy eer daarin om vergewensgesind te wees. - Spreuke 19:11

Hoop: Hou die hoop brandend in jou hart en vas aan die sekerheid daarvan.

Wees daarom verstandelik wakker en nugter, en vestig jou hoop volkome op die genade wat julle deel sal word by die wederkoms van Jesus Christus. - 1 Petrus 1:13

Liefde: Laat ons ons lewe in liefde leef onder die leiding van God.

God het die wereld so lief gehad dat Hy sy enigste Seun gegee het, sodat die wat in Hom glo, nie verlore sal gaan nie, maar die ewige lewe sal he. - Johannes 3:16

Geloof: Dit is juis in oomblikke van terneergedrukheid en depressie dat ons die Here moet loof.

Ek wil U lof verkondig, my God en Koning, ek wil U Naam altyd loof. Elke dag wil ek U loof, ek wil U Naam altyd prys. Die Here is groot, alle lof kom Hom toe.

Vrede:  Dit vorm 'n belangrike komponent in 'n Christen se karakter. Hierdie vrede stel ons instaat om met ons medemens te lewe.

Geseend is die vredemakers, want hulle sal kinders van God genoem word. - Matteus 9.9

Se nee vir kommer en laat vertroue opnuut in jou siel bot

Reik uit vir hulp;

Beheer jou emosies;

Maak vrede jou anker;

Kweek vertroue;

Klou aan gebed as reddingsboei;

Leef in dankbaarheid;

Draai jou rug op wat was;

Word stil en moenie toelaat dat vrae, bekommernisse en vrese jou gees van Hom afsluit nie.