Lewenspad - nie sonder probleme

                                                         

 Rig jou oe op  na God! - Hy is jou verlosser

Wanneer dit voel of jou lewenspad net nie wil vlam vat nie, moenie tou opgooi nie. - Ons is geroep deur God wat altyd daar is vir ons. Ons lewenspad is alreeds vir ons uitgele, al is daar dae dat jy bedroef word en voel dat daar geen lig aan die einde is nie.

Here, my God, op U vertrou ek met my hele hart. Ek weet dat dit partykeer voel of my lewenspad hier op aarde net vol probleme is en ek wil handdoek ingooi. Net U teenwoordigheid maak dit moontlik om helder te dink".

Waar jy nie meer kan loop nie, daar sal Hy jou dra.

Hebreers 12:11-13 - Wanneer ons getug word, lyk die tug op daardie oomblik nie na iets om oor bly te wees nie, maar om oor te huil. Later lewer dit egter vir die wat daardeur gevorm is, 'n goeie vrug: vrede sodat julle gehoorsaam is aan die wil van God. Versterk daarom die slap hande en die lam kniee, en loop die reguit pad. Dan sal wat lam is, nie uit lit raak nie, maar gesond word".

Ons moet leef vir die dag. Wat verby is kan jy niks aan doen nie, wat voorle weet ons nie, maar elke dag wat aan jou geskenk word, leef dit volgens die wil van die Here. Die Here ontferm Hom oor sy kinders wat Hom dien.

Here, vir die reis wat voorle, laat U genade en liefde soos 'n ligte bries oor my waai sodat ek U innerlike krag en vrede kan vind. My lewenspad is vir my uitgele, op U vertrou ek,  al vind ek daaglikse probleme op my pad, my kruis sal ek dra met vreugde, want U is met my al die dae van my lewe tot die einde van die wereld.
Amen!

Nuwe Lewe (Oorwinning)

 

 

 

Ons het saam met Christus gesterwe.
 

 

Kolossense 2:20 "Julle het saam met Christus gesterwe en is dus dood vir die wettiese godsdienstige reels van hierdie wereld". Waarom lewe julle dan nog asof julle aan hierdie wereld behoort?"
 

 

God vra dat ons die ou sondige gewoontes verbreek en moet leef die lewe van 'n nuwe mens, wat al hoe meer vernuwe word na die beeld van ons Skepper en wat ons doen of se, doen of se dit in die Naam van die Here Jesus en dank God die Vader deur Hom.

 

"Laat ons koers hou op die pad waarmee ons tot hiertoe gekom het" - Filippense 3:16

 

Wanneer ons na Jesus kyk en besef wat Hy alles vir ons prysgegee het, is dit maklik om aan te hou hardloop. Dis 'n geloofswedloop waarop jy jou oe moet vestig op Jesus, en doen dit met volharding, want wie tot die einde toe volhard, sal gered word.

 

2 Korintiers 6:17 - "Iemand  wat aan Christus behoort, is 'n nuwe mens. Die oue is verby - die nuwe het gekom".

 

Here, help my om nie om te kyk nie, maar vorentoe te kyk en die Oorwinnings lied saam met U te kan sing, wanneer die dag aanbreek, wanneer U ons kom haal.

In Johannes 3:3 se Jesus "Dit verseker Ek jou: As iemand nie opnuut gebore word nie, kan hy die koninkryk van God nie sien nie".

 

Hemelse Vader,  help my om my lewe te verander sodat ek 'n nuwe lewe saam met U kan loop en kan volhard deur geloof tot die einde. Dankie vir die versekering dat ons 'n oorwinnings lied sal sing en die Heerlikheid wat ewig sal bly, te kan ontvang.

Amen!

U vee my trane af.

Daar is donker tye in my lewe en U vee my trane af.. Hoe dankbaar is ek vir U bestaan. Alleen kan ek dit nie doen nie. O Here, wees my genadig. U alleen kan die seer in my hart regmaak.

Dit is goed dat ek swaarkry, want daardeur het ek U voorskrifte geleer. Dat U my laat swaarkry, is 'n teken van U trou.. - Ps.119:71.

 

Ontferm u oor my, dat ek kan lewe volgens U voorskrifte. Ek smag na U redding en ek vertrou op U woord.

 

Nie een van ons kan swaarkry vryspring nie. As jy onderneem om God se wet na te kom, sal Hy jou beskerm in alle gevaarsituasie en ook jou seer uit jou lewe neem. In Psalm 42,  is daar 'n versugting na God. "Soos 'n wildsbok smag na waterstrome, so smag ek na U, o God".

 

 

Siekte en hartseer kan verreiklike gevolge he, en jou selfs aan God se liefde laat twyfel. Plaas jou lewe in God se hande en jou gebede sal verhoor word. Ek het ondervind dat God altyd aan Sy woord getrou is.

Dankie Here, dat my hoop nog op U is en dankie dat ek na U toe kan kom, en soos U belofte, vee U my trane af en omsirkel U my met U liefde en beskerming.

 

'Here vandag bid ek vir U beskerming oor almal wat hierdie woord lees en hartseer en trane het wat afgevee moet word. Seen elkeen van ons en laat U lig oor ons straal sodat ons ons hoop op U sal plaas".

 

Amen!

 

Wees stil voor God !

Wees stil voor sy Heilige aangesig en ervaar al Sy groot Wonderwerke.

 

Stille tyd is een van die mees rustigste ervarings. Ons mediteer vir baie dinge, hoekom plaas ons nie ons fokus op onse Vader wat in die Hemel is nie. Maak jou gedagtes skoon van die wereldse dinge en luister na God se roepstem.

 

Raak stil en voel Sy goddelike liefde en warmte om jou. Ons is almal so besig met ons wereldse programme dat ons nie tyd maak vir God nie. Daar is te veel dinge om te doen en te beleef.

 

Here, ek sukkel om partykeer stil te word voor U, met my besige lewe, help my om so stil te word dat ek net U stem kan hoor".

 

Raak stil en maak gebruik om Hom te aanbid. God sal jou alles gee wat jy voor vra as dit Sy wil is.

 

Daar is tye dat ek op my kniee gaan maar woorde ontneem my. Here, help my om my gedagtes net op U te rig en te vergeet van al my probleme en behoeftes. Ek wil U loof.

Bid gerus elke oggend en aand - Wees stil voor jou Verlosser - As jy dit doen en jou gebede tot God rig en dit opreg bedoel, sal jy ook mense rondom jou met meer genade behandel, en hulle sal dit agterkom.

Hoop is die onwankelbare sekerheid dat God se beloftes sal realiseer - gegrond nie op 'n ydele wens nie, maar op die werklikheid van die lewe, sterwe en opstanding van Jesus Christus. Wanneer jy stil voor jou Vader word, kan jy sonder enige skroom weet dat God luister en dat jou gebede bewaarheid sal word.

Maak die kamer se deur toe,  of enige plek waar jy alleen met God kan wees. Raak stil en nederig en luister na God se antwoord, om alleen saam met Hom te kan wees, sal jou al die vrede en rustigheid gee wat jou hart nodig het. Wanneer jy jou stilletyd net tot God rig kan jy dadelik die verskil voel wanneer jy opstaan en uitstap. Vol vrede en geluk.

"Vader, vandag raak ek stil voor U, help my om te fokus en net U in my gedagtes kan he en al die ander probleme en bekommernisse wat opdui, soos die wind sal verdwyn. Ek is Lief vir U".
Amen!.

Geloof, Hoop en Liefde - drie kragtige woorde

Drie kragtige woorde - Geloof, Hoop en Liefde

 

1 Kor. 13:13 - En nou: geloof, hoop en liefde bly,  hierdie drie..En die grootste hiervan is die liefde!.

 Hierdie drie woorde is die spil waarom alles draai in God se plan met ons, maar onthou die belangrikste hiervan is Liefde. Liefde kan nie gemeet word nie.

  

Geloof is wanneer jy die sprong van jou lewe wil doen en hoop dat dat jy sagkins sal land, maar dit nie kan doen sonder die liefde van God se arms om jou nie. Wanneer jy blindens jou toekoms in die Vader se Hande plaas en weet dat jou geloof so sterk is dat geen haar van jou kop sal val nie, maar onthou dat Hy sal egter jou ook in konflik van die wereld  plaas, maar as jy getrou en gelowig bly, sal jy die oorwinning van Sy liefde ontvang en ervaar.

 

Moet nooit bang wees on 'n onbekende toekoms aan God toe vertrou nie.  Die pad kan wel eensaam en gevaarlik wees. Partykeer sal jy twyfel dat jy die regte besluit geneem het, maar by God is niks ontmoontlik nie en die belofte van Hom om jou te dra wanneer jy Hom nodig het, sal altyd op jou lewenspad wees. Om die regte geloofsverhouding met Christus te onderhou, is om jou hoop op Hom te plaas ter alle tye.

 

In jou oomblik van wanhoop draai na God toe en vertrou op die liefde van Hom, met die versekering dat Hy op jou roepstem sal antwoord. Laat die Heilige Gees toe om jou te lei en ervaar Sy onuitputlike krag en liefde en aanskou se reddingsdade met bewusvordering van sy krag. Dit is altyd 'n moeilike deel om alle beheer van ons lewens aan God oor te gee, want ons dink ons kan dit self regmaak, maar wanneer jy hierdie geloofstap neem en jou lewe aan Hom toevertrou, sal God die leiding neem en in alle omstandighede jou vertroos en versterk.

 

Wanneer jou geloof so sterk geanker is, waar jy ook al is, of wat ook met jou gebeur, wees verseker, God is met jou.

 Glo in God, Hy is jou Rots, jou redder al is Hy 'n onsigbare God.

 

Al die skatte in die wereld kan vergaan, maar Geloof, Hoop en Liefde sal altyd bly staan. Niks en niemand kan dit koop nie. 

 

God van liefde, help my om my geloof en hoop op U te rig en versterk my geloof van dag tot dag deur U werke. Amen.

 

 

Vergifnis

Korintiers 5 : 16-20

As 'n Christen behoort ons dit makliker te vind om ander wat jou verkeerd aangedoen het, te vergewe, maar dis partykeer so moeilik om vergifnis toe te pas.

Jesus het aan die kruis die mense wat hom geslaan en gekruisig het, vir God gevra om hulle te vergewe, want hulle weet nie at hulle doen.

Hoeveel meer te reg kan ons vergewe. Ons kry so seer deur dade van geliefdes en vriende, dat ons 'n deur toemaak in ons hart, en dan is dit baie moeilik om daardie deur weer oop te maak en daardie persoon terug in jou lewe te te sit.

Meestal is dit die afdwaling van 'n man of vrou wat jou verwerp en 'n skeisaak hangend maak en jy was nie reg daarvoor nie, maar onthou God is altyd saam met ons en al doen jy wat verkeerd in die oe van die Vader, Hy altyd gewillig is om jou te vergewe.

Om waarlik te vergewe  moet jy eers aan die ander kant van vergifnis staan en wanneer iemand jou vergewe, dit makliker is vir jou om ook te vergewe.

As jy alles liefhet, sal jy die Goddelike geheimenis in dinge raagsien. Sodra jy dit waarneem, sal jy dit elke dag beter begin verstaan en vergifnis sal makliker wees vir jou medemens.

Daar is nie 'n enkele mens op aarde wat met reg kan se hy doen geen sonde nie. Die Bybel se tog duidelik dat ons almal in sonde gebore is, daarom het ons Jesus nodig in ons lewe.

 

Vergewe en vergeet en los dit in die Skepper se Hande om te oordeel.

Veilig in Sy Hande

Johannes 10:14-16 - Ek is die goeie Herder, Ek ken my skape, en my skape ken My, net soos die Vader My ken en Ek die Vader ken, en Ek le My lewe af vir die skape.  Ek het nog ander skape, wat nie van hierdie kraal is nie. Ek moet hulle ook lei. Hulle sal na My stem luister, en hulle sal een kudde wees met een Herder.

 

 Daar was 'n man wat teen 'n berg uitgeklim het na die monestrie wat hoog bo op die berg gesit het,  en die wind het geweldig gewaai, toe hy opkyk na die tou wat hom hou,  sien hy dat die tou uitgedroog is en het bang geword dat hy sal val. Toe hy bo kom vra hy vir die monnik,  hoeveel keer vervang jy die tou en die monnik antwoord,  "net elke keer as dit gereen" het.

 

Hang jou lewe ook aan 'n toutjie en jy is bang dat jy gaan val! onthou dat Jesus hou jou vas en niemand sal ons uit Sy hande ruk nie. Jy is veilig in die hande van die Heilige Gees en vir ewig sal Hy jou vas hou.

Psalm 46:2-4 - God is vir ons 'n toevlug en 'n beskerming; Hy was nog altyd bereid om te help in nood. Daarom is ons nie bang nie, al gee die aarde pad, al skuif die berge tot in die dieptes van die see, al druis en skuim die waters van die see, al skud die berg deur sy onstuimigheid.

Hy sal jou vashou dit beteken nie dat jy 'n kommervry lewe, sonder probleme, finansiele bekommernis om kop bo water te hou nie, maar Hy gee jou 'n veilige tuiskoms. Wat 'n vertroosing en versekering is dit vir ons nie. Dit is die Here se Hande wat jou dra en nie jy wat aan Hom vas klou nie.

 

Jesus het ons lief en jy is veilig in die Hande van jou Herder.

Romeine 8: 38-39 - Hiervan is ek oortuig: geen dood, of lewe, of engele, of magte, of teenswoordige, of toekomstige dinge, of kragte, of hoogte, of diepte, of enigiets anders in die skepping kan ons van die lierde van God skei nie, die liefde wat daar is in Christus Jesus ons Here.