Hou vas aan jou Geloof in God vir Nuwe Jaar

Judas 24-25;  Lof aan God : Aan Hom wat magtig is om julle van struikeling te bewaar en julle onbevlek en met vreugde sy heerlikheid te laat aanskou, aan die enigste God, ons Verlosser deur Jesus Christus ons Here, aan Hom behoort die heerlikheid en die majesteit, die krag en die mag, van alle ewigheid af, ook nou en tot in alle ewigheid!

 

Met die jaar wat verby is, het ons almal trane van hartseertye, en trane van blydskap gehad, verlies van vriende en familie, maar wees verseker, God hou jou vas. Loof Hom dat Hy jou gedra het deur die jaar, en wees verseker dat Hy daar sal wees vir die nuwe jaar wat voorlê.

 

Al die struikelblokke, seerkry en uitdagings sal nog daar wees vorentoe - maar God verseker ons, dat Hy ons sal beskerm, ons sal dra dag na dag vir die jaar wat voorlê. Sy liefde ken geen perke nie.

Nie een van ons weet presies wat die nuwe jaar vir ons inhou nie, maar ons weet wel dat as ons aan ons geloof vashou, Hy die pad vorentoe, jou sal lei.

 

Ervaar 'n nuwe diepte in jou verhouding met God en beleef Sy onbeperkte goedheid.

God nooi elkeen van ons om gereed te maak vir dit wat Hy van plan is om in ons lewe te doen.

Praat gedurig met Hom, aanbid Hom en Loof Hom en dank Hom vir al die werke wat Hy vir jou doen.

   Psalm 63:8 - U is 'n hulp vir my, in die skadu van U vleuels sal ek jubel.

 My gebed: "Here, dankie dat U my Herder is. Ek loof U en dank U my gedra het deur swaarkrytye, en tye van blydskap, deur die jaar. Wees asseblief ook met my in die nuwe jaar wat voorlê. Help my om vas te hou aan my geloof in U"

Amen!

 

 

 

Die wonder van Jesus se geboorte !

 

Lukas 2:  Maria was 'n maagd en verloof aan Joseph -  Vers 28 - "Toe die engel by haar kom sê

hy; "ek groet jou, benagenadigde! Hie Here is by jou". - Vers 31-33 - "Jy sal swanger word en 'n seun in die wêreld bring, en jy moet Hom die naam Jesus gee. Hy sal groot wees en die Seun van die Allerhoogste genoem word.  Die Here God sal Hom die troon van sy voorvader David gee, en Hy sal koning oor die nageslag van Jakob heers tot in ewigheid. Aan sy koningskap sal daar geen einde wees nie". 

Elke persoon wat die wonderboodskap van Jesus se geboorte gehoor het, was verwonderd. 'n Maagd bring 'n kind in die lewe. Hoe sterk moet jou geloof wees om dit te verwerk!. - God het ons so lief gehad dat Hy 'n mensekind geword het om ons te verlos van ons sondes.

Ons almal se lewens was onherroeplik verander.

 

Die kersfeeswonder is nie 'n wonder wat ons vir ons self moet hou nie.

Hoe lank gelede het dit gebeur en tog elke Desember vier ons Sy geboorte of jy glo of nie. Alle eer kom God toe.

Gaan uit en kondig die boodsap  aan almal wat jy teekom!

Jesus is die seun van God. Die wonder van sy geboorte sal vir ewig leef.  Jesus se blye boodskap is steeds vir almal bedoel.

 

 "Eer aan God in die hoogste hemel, en vrede op aarde vir die mense in wie Hy 'n welbehae het".

 

As jy bereid is om te lewe tot sy eer, sal God vrede in jou hart en lewe gee.

 

Kersfees is die tyd dat jy en ek ons verhouding met God hernu, en saam met die Engele 'n loflied tot Sy eer sing.

Het jy al vrede gemaak met die mense om jou ? - God is vrede en liefde. 

Mag die vrede en vreugde van Kersfees deur die hele jaar elke dag by jou wees.

 

My gebed: "Hemelse Vader, dankie vir U liefde en dat U vrede op aarde bewerkstel. Help my om vrede in my lewe te handhaaf en ek wil U eer elke dag van my lewe. Dankie vir Jesus se geboorte sodat ek U kind kon word."

Amen!

 

Kersfees vreugde !

Lukas 2:10-11- Toe sê
die engel vir hulle: "Moenie bang wees nie, want kyk, ek bring vir julle 'n goeie tyding van groot blydskap wat vir die hele volk bestem is. Vandag is daar vir julle in die stad van David, die Verlosser gebore. Christus, die Here!"

Dis die tyd van die jaar wat ons almal ons vrese eenkant sit en met vreugde uitsien na Kersdag. Wanneer ons gereed maak vir Advent, die geboorte van Jesus Christus. Dit is tyd vir stil word en saam met al die gelowiges ons te verwonder oor die liefde van Jesus Christus - wanneer ons gereedmaak vir Sy wederkoms.

Dis die tyd nou wat ons die gejaagheid opsy moet sit, rustig raak en ons harte voorberei vir die Kersfees tyd. Maak tyd vir gesindheid, familie en vriende en 'n nuwe fokus vir die nuwe jaar wat voorlê.  Gee vir die minderbevoorregtes en konsentreer om liefde in mekaar se lewens te vestig.

 

Vir baie van ons is dit

die hoogte punt van die jaar. Kinders is vol verwagtinge. geskenke, koekies, lag en liggies weerspiëel orals.

 

Laat hierdie Adventyd waarin ons ons bevind, ons ook herinner dat Christus vir ons in die Vaderhuis plek gereed gemaak het - wees voorbereid op Sy koms soos 'n bruid wat wag op haar bruidegom.

 

Met Kersfees kom God naby jou. Christus se geboorte beteken vir ons lig, vreugde, fees en egte blydskap. Ware blydskap kom van God af. Deel vanjaar die vreugdeboodskap met almal om jou.

 

My gebed - "Mag die Here hierdie fees - vreugde en blydskap aan al sy kinders skenk. Here, help ons om rustig te word en tyd met U te spandeer. Dankie vir die wete dat U weer sal kom. Dankie vir Kersfees vreugde en liefde. Help my ook dat ek mede-deelsaam sal wees met my medemens, en U liefde en genade aan hulle sal uitstort."

Amen !

 

Die groot vreugde – (saamgestel deur Marita Op’t Hof)

 

Om in ‘n koor te kan sing is een van daardie dinge in die lewe wat oneindig vreugde verskaf. Daar is ‘n soort terapie daarin wat ‘n mens heelmaak – wat jou laat vergeet van jou sorge en wat jou na ‘n hoër vlak van bestaan neem. Wanneer die liedere wat jy sing dan ook geestelike liedere is – Psalms en Gesange, of liedere uit die ryke skat van die Christelike musiek, het koorsang ‘n dubbele doel. Nie net is dit terapeuties nie, maar bring dit jou baie nader aan jou Skepper. Jy sing van jou Skepper, jy sing vir jou Skepper, en jy kom nader aan jou Skepper.

Die afgelope tyd het daar ‘n paar films verskyn wat hierdie betowering van koorsang vir ons uitbeeld, soos “As it is in Heaven en A song for Marion”. Maar die persoon wat die wonder van koorsang die mooiste kon beskryf, is die Franse skryfster, Muriel Barbery, in die hoofstuk “A Choir is a beautiful thing” in haar boek – The Elegance of the Hedgehog (Gallic 2008 – p.180-181) "

Ek vertaal vrylik:-

In ons pragtige woonbuurt is daar ‘n skool, en die skool het ‘n koor. Gister-middag was dit die skoolkoor se uitvoering.

Niemand dink dat dit vreemd is om in hierdie koor te sing nie, intendeel, almal wil graag deelneem, maar Monsieur Trianon, die musiekonderwyser, kies sy koorlede met die hand. Monsieur Trianon is jonk en musikaal en hy laat die koor nie slegs die tradisionele liedere sing nie, maar ook diè van moderne komponiste. Verder word die koor begelei deur uiters stylvolle orkestrasie.  

Die middag van die die uitvoering is die skoolsaal stampvol en daar heers ‘n atmosfeer van gedempte opwinding.

Uiteindelik verskyn die koor geklee in rooi en wit, met strikdassies vir die seuns en lang rokke met skouerbandjies vir die meisies. Orrweldigende applous volg.

Monsieur Trianon maak sy verskyning, gaan sit op ‘n hoë stoeltjie, sy rug na die gehoor, in sy hand ‘n dirigentstokkie met ‘n flitsende rooi liggie aan die punt. Stilte daal op die gehoor neer en die uitvoering begin.

Elke keer is dit van vooraf ‘n wonderwerk. Hier is al die mense met hulle hartseer, drome, wense, hoop en verwagtinge. Die skooljaar is gevul met programme en aksies en onbenuttighede.. Hier is al die onderwysers en al die kinders – almal besig om deur die ‘ lewe’ te stoei’ – die lewe vol hoop en trane en lag en verlore drome en onvervulde wense… Al hierdie dinge verdwyn in ‘n oogwink wanneer die koor begin sing.

Die alledaagse lewe verdwyn en word opgeneem in die wonder van die musiek. ‘n Mens word oorweldig deur ‘n gees van broederskap, ‘n diepte eenheid. Dit verander die wreedheid van die alledaagse lewe in ‘n gees van perfekte harmonie. Selfs die koorlede se gesigte word getransformeer. Ek sien nie meer vir Achille Grand-Fernet of Deborah Lemeur of Segolene Rachet of Charles Saint-Sauveur nie. Hulle verander in mense wat oorgegee is aan musiek.

Dit is elke keer dieselfde ding: Die huil wel binne in my op. My keel trek toe en ek probeer my uiterste om myself te beheer. Partymaal kan ek amper nie. Ek wil uitbars in snikke. Dus, wanneer hulle die kanon sing, kyk ek af an die grond: Dit is net te veel emosie op een slag – dit is soveel skoonheid tegelyk op een keer. Dit is wonderskoon – hierdie samesang en die gedeelde moment.

Ek is nie meer ek nie. Ek word ‘n deeltjie van ‘n verhewe eenheid waarvan die ander ook deel is. En ek wonder altyd in hierdie oomblikke waarom dit nie die realiteit van die daaglikse lewe kan wees nie – waarom dit slegs ‘n uitsonderlike oomblik moet wees wanneer die koor sing.

Wanneer die koor ophou, breek daar ‘n oorverdowende applous uit. Almal se gesigte is opgelig, die koor stralend. Dit is so pragtig.

Aan die einde wonder ek of die ware wenteling van die aarde nie dalk net ‘n  mensestem, verhef, in sang is  nie…

"Dankie Marita – ek is ook meegevoer met die pragtige klanke van musiek"..

 

Dankie dat jy die artikel ons my deel . !

 

 

Geestelik & Liggaamlik moeg ?

                           Saggies en teer is die roepstem van Jesus - Hy roep vir my en vir jou - "Almal wat moeg is kom in My arms en rus".
 

Dis November maand, en ook die maand wat ons voel dat die jaar sy tol gevat het. Ons is moeg, emosioneel, geestelik en liggaamlik. Alles voel betekenisloos.

Jy staan met 'n swaar hart op in die oggend en dink aan al die take wat vir jou voorlê en wonder hoe jy deur die dag sal kom ! Partykeer raak jy beangs en paniekbevange.

In 2 Korintiers 12:9, lees ons : "My genade is vir jou genoeg, My krag kom juis tot volle werking wanneer jy swak is".

Gee jouself oor aan die Here en bid vir Sy krag, want uit Sy krag sal ons kan lewe.
Net God alleen kan ons die krag en genade gee om elke dag, met vreugde aan te pak. 

Gebruik die  'áf-tyd' en laat die Heilige Gees vrylik in jou lewe werk. Hou jou program eenvoudig - Bid elke oomblik vir krag en glipweg vir 'n oomblik in jou besig dag en gesels met God. Jy sal vind dat jou gees verfris en vernuwe sal voel en jy weer jou dagtake makliker kan aanpak.

Psalm 6:3-4 - "Ontferm U oor my, Here, want ek kwyn weg, maak my gesond, Here, want my liggaam is uitgeteer. Ek is heeltemal gedaan. Hoe lank nog, Here, voordat U uitkoms gee?" 

As jy op die oomblik self op moedverloor se vlakte sit, kan jy aan die God, "wat jou altyd help", vashou en op Hom bly hoop.
 
"Hemelse Vader, baie dankie vir die ontdekking van swaarkry omdat dit my leer om aan U vas te hou en nie nodig is om op myself te vertrou nie".
Amen! 

 

 

Die Here is altyd naby jou !

   Sefanja 3:17 - "Die Here jou God is by jou, Hy, die krygsman wat jou red. Hy is vol vreugde oor  jou, Hy is stil-tevrede in Sy liefde. Hy jubel en juig oor jou".

       
Die Here is altyd by jou.  Die Heilige Gees het gekom om oor ons te waak. Hy is altyd daar.

Wanneer jy voel dat jy alleen is met jou probleme en ook jou vreugde, wees verseker dat God altyd by jou is. Moet nooit daaraan twyfel nie al voel dit soms dat God jou verlaat het. As jy in die dieptes van ellende en eensaamheid verkeer, roep net Sy Naam  en God sal jou nie teleurstel nie. Hy sal afbuig en jou hand vat en jou terug op die pad sit. Geen swaarkry is heeltemal onuithoudbaar as jy weet God is met jou.

 

Johannes 14:13 - Wat julle ook al in my Naam vra, sal Ek doen, sodat die Vader deur die Seun verheerlik kan word.
 

Kyk op na die hemel en roep Sy Naam en besef dat Hy majestieuse krag besit en ontdek sy omhelsing.

Partykeer raak ek so gefrustreerd en geirriteerd as dinge nie reg loop nie, veral wanneer ek haastig by 'n plek of die werk moet kom en dan wonder hoekom ek so gestraf word, maar dan hang ek my kop in skaamte want besef dan, dalk was daar iets anders op my pad wat my sou verhinder om veilig my eindstemming te bereik, want die Here was naby en wou my laat besef dat my lewe in gevaar was en sodoende het Hy iets oor my pad laat kom.

"Here help my om net geduldiger en rustiger te lewe, om nie so haastig is en omgekrap word as iets verkeerd gaan nie", want ek besef U is met my".  

Die lewe se belangrikste strewe is nie om jouself te ken nie, maar om God te ken. As God nie die dryfveer van ons lewe is nie, is alle ander dinge wat ons najaag doodloopstrate, ook die poging om onsself te ken.

God se nabyheid kan 'n vervelige lewe opwindend maak en wees verseker Hy is altyd by jou.

Amen!
 

Wet van God (Die tien Gebooie)

Exodus 20:1-17 & Deuteronomium 5:6-21                                   

• 

                 God het vir Moses na die top van Sinaiberg toe geroep en in 'n donker wolk voor Hom verskyn. Toe het God al hierdie gebooie aangekondig. - Onderhou ek en jy nog die gebooie, (wette van God),  soos voorgeskrewe !

Loof die Here!  Hy is almagtig!

• Ek  is die Here jou God wat jou uit Egipte uit die plek van slawerny, bevry het;
• Jy mag na My geen ander gode hê nie;
• Jy mag vir jou geen gesnede beeld of enige gelykenis maak wat bo in in Hemel is, of van wat onder op die aarde is nie, of van wat in die waters onder die aarde is nie. Jy mag hulle nie vereer of dien nie, want Ek, die Here jou God, eis onverdeelde trou aan My. Ek reken kinders die sondes van hulle vaders toe, selfs tot in die derde en vierde geslag van diẻ wat My haat,  maar Ek betoon my liefde tot aan die duisendste geslag van die wat My liefhet en my gebooie gehoorsaam;
• Jy mag die Naam van die Here jou God nie misbruik nie, want die Here sal die een van sy Naam misbruik, nie ongestraf laat bly nie;
• Sorg dat jy die sabbatdag heilig hou;
• Ses dae moet jy werk en alles doen wat jy moet, maar die sewende dag is die sabbat van die Here jou God. Dan mag jy geen werk doen nie, nie jy of jou seun of jou dogter of die man of vrou wat vir jou werk, of enige dier van jou of die vreemdeling by jou nie.
• Die Here het in ses dae die hemel en alles daarin gemaak, die aarde en alles daarop, die see en alles daarin. Op die sewende dag het Hy gerus, en daarom het die Here dit as gereelde rusdag geheilig;
• Eer jou vader en jou moeder, dan sal jy lank bly woon in die land wat die Here jou God vir jou gee;
• Jy mag nie moord pleeg nie;
• Jy mag nie egbreuk pleeg nie;
• Jy mag nie steel nie;
• Jy mag nie vals getuienis teen 'n ander gee nie.
• Jy mag nie iemand anders se huis begeer nie. Jy mag nie sy vrou begeer nie, ook nié 'n slaaf of slavin, 'n bees of 'n donkie, of enigiets wat aan hom behoort nie.

Ons sien die gebooie as 'n stel reëls, maar eindelik is die doel van die Tien Gebooie om te bewys dat ons almal gesondig het en derhalwe God se genade en seën nodig het.  Ons is sondaars en daarom kan ons nie die gebooie stiptelik onderhou nie.   

 

Johannes 3:16 - "Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê".

   

"Here, my God, as 'n sondaar vra ek dat U my sal help om gehoorsaam te wees aan U wette, maar ek weet net deur U genade  en deur geloof in Jesus Christus, U my sal bevry".

Amen! 

                      

Hoe sterk glo jy in die onsienbare God.

 

 

               2 Korintiërs 4:18 - Ons oog is nie op die sigbare gerig nie, maar op die onsigbare; want die sigbare dinge is tydelik, maar die onsigbare, ewig.

 

Ons vra baie keer vir wondertekens omdat ons nie glo nie, daarom red God diẻ wat glo. God se Woord is lewend en kragtig.

In Johannes 1,1:4 staan daar. " In die begin was die Woord daar, en die Woord was by God, en die Woord was God self. Hy was reeds in die begin by God. Alles het deur Hom tot stand gekom. Ja, nie 'n enkele ding wat bestaan, het sonder Hom tot stand gekom nie. In Hom was daar lewe, en die lewe was die lig vir die mense".

God gee vir ons krag wanneer Hy die Heilige Gees oor ons laat kom. Daar is baie mense wat ongelowig is en nie glo in die hiernamaals nie, want dis onsigbaar.  Baie kan nie verstaan dat ons as Christene die pad saam met God loop en Hom blindenins volg nie.

 

Al wat God vra, is vir ons om te glo in Hom,  want Hy vat jou na die wenstreep toe. Tog glo ons as ons op ons knieë gaan en 'n gebed tot God rig. Vra God deur die Heilige Gees, om jou geesteoë oop te maak.

Het God al jou bede verhoor? Ons almal het al een of ander iets gevoel...Waar het dit vandaan gekom? God sê wie in My glo, het die ewige lewe.

Hebreërs 11:1 - Om te glo, is om seker te wees van die dinge wat ons hoop,om oortuig te wees van die dinge wat ons nie sien nie.

Ja, ek kan onomwonde sê : EK GLO.
 Hemelse Vader, in 'n wereld van ongeloof en twyfel, bely ek vandag my geloof in U. Ek kan U nie wetenskaplik bewys nie, maar ek kan U beleef. U leef in my hart!

Amen!

                                         

"Jy is myne"; sê die Here.

                     

   Jesaja 43:1 - Luister, so sê die Here wat jou geskep het,  Jakob, wat jou gevorm het, Israel; Moenie bang wees nie, Ek verlos jou, Ek het jou op jou naam geroep,  jy is Myne.

 

 

                                                          

Ons is almal kosbaar vir die Here. Al gaan jy deur 'n smeltkroes en krisisse, hou vas aan jou geloof en vertrou op die Here en glo aan Sy Woord.  

 

As ons dit doen en werklik in God se trou glo, dan kan ons opstaan en die treë

neem wat God vra. Ons word geroep om God op Sy woord te neem.

Jesaja 43: 10 - "Israel, julle is my getuies, sê  die Here, en ook my dienaar wat Ek uitverkies het sodat julle My kan ken en in My kan glo en kan besef dat Ek die Here is; Voor My was daar geen God nie, en na My sal daar ook nie een wees nie. Ek, Ek is die Here, buiten My is daar geen redder nie".

 

Jesus het aan die kruis gesterf vir ons, daarom behoort ons aan God. Ons is geskep na Sy beeld.

Onthou altyd: Die Here het gesê; " Jy is Myne"!

 

Gee jou hart aan God en wees sy bruid. Wees nedering en help ander, want God gee aan die nederiges sy genade.

Daarom moet ons, ons lewe aan God toevertrou,

 

"Onse Here, dankie dat ek U bruid kan wees en dat U my opge-ein het as U kind, met die woorde; "Jy behoort aan My en is Myne"!

Amen!

Prys die Here - Alle eer en lof kom U toe

Psalm 145; 1 - 21

        

Ek wil u lof verkondig, my God en Koning, ek wil u Naam altyd loof.

Elke dag wil ek U loof, ek wil u Naam altyd prys.

Die Here is groot, alle lof kom Hom toe. Sy grootheid is ondeurgrondelik,

 

Geslag na geslag prys wat U doen en vertel van u magtige dade, van die luister, die heerlikheid van U majesteit. Ek wil getuig van U magtige dade, sodat die mense oor U wonderdade sal praat.

Ek wil van U grootheid vertel. Sonder ophou moet hulle U groot goedheid verkondig en oor U reddingsdade jubel.

 

Genadig en barmhartig is die Here, lankmoedig en vol liefde. Die Here is vir almal goed en barmhartig oor alles wat Hy geskep het.

 

Almal wat deur U geskep is, loof U, die Here, en u troue dienaars prys U! Hulle vertel van U koninklike mag en getuig van U groot krag. Die mense moet weet van Sy krag van Sy koninklike mag, en majesteit, U koningskap is 'n koningskap vir alle tye, U heerskappy strek oor die geslagte heen.

 

Die Here help almal op wat geval het. Hy ondersteun die wat bedruk is.

Die oë van almal is op U gerig en U gee hulle kos op hulle tyd. U maak u hand oop en skenk u guns in oorvloed oor al wat leef.

 

Die Here is regverdig in al sy handelinge, getrou in alles wat Hy doen. Die Here is naby almal wat Hom aanroep, almal wat Hom in opregtheid aanroep. Aan die wat Hom dien, gee Hy wat hulle vra. Hy hoor as hulle om hulp roep en Hy red hulle. Die Here beskerm almal wat Hom liefhet, maar al die goddeloses verdelg Hy.

 

Ek sal die lof van die Here verkondig. Laat al wat leef, sy Heilige Naam vir altyd prys. 

 

Amen!
My Here my God, aan U kom alle eer en lof toe.

Jy is vrygestel deur Jesus Christus.

Christus Jesus het ons sondes oorwin en ons vrygestel deur sy bloed.

 

Romeine 6:22-23; Maar nou - julle is vrygemaak van die sonde en in diens van God gestel en die vrug daarvan is dat julle geheilig word, en die uiteinde is die ewige lewe. Die loon wat die sonde gee, is die dood; die genadegawe wat God gee is die ewige lewe in Christus Jesus, ons Here.

 

Ons behoort nou aan niemand anders wat beheer het oor ons lewens. Christus is ons verlosser en ons behoort nou aan die drie enige, God; "Vader, Seun en Heilige Gees".

Ons weet dat Christus wat deur die dood opgewek is, nie weer kan sterwe nie, want die dood het geen mag oor hom  nie.

Ons is vrygespreek van ons sondes, daarom moet ons nou vir Christus lewe en in sy diens wees.

 Jesus gee vir ons genade, daarom moet nie meer sondes doen nie.

God het sy liefde vir jou en my in ons harte uitgestort deur die Heilige Gees wat Hy aan ons gegee het. God bewys sy liefde vir ons juis hierin deurdat Christus vir ons gesterf het toe ons nog sondaars was. Ons het ook ons versoening deur ons Here, Jesus Christus ontvang.

 

Ons moet sorg dat alles wat jy het, aan God beskikbaar te stel. Dan sal Hy jou ryklik in al jou behoeftes voorsien en jou seën in alles wat jy aanpak. Vertrou op die Here met jou hele hart en steun nie op jou eie insig nie.

 

Romeine 6: 5-6; Aangesien ons met Hom een geword het in sy dood, sal ons sekerlik ook met Hom een wees in sy opstanding. Ons weet tog dat die sondige mens wat ons was, saam met Christus gekruisig is, sodat ons sondige bestaan beëindig kon word. Ons is dus nie langer slawe van die sonde nie.

 

Ons is dood vir die sonde, maar lewend vir God.

 

 "Here Jesus, ek wil graag meer toegewyd wees in U. Help my asseblief om nie meer sondes te pleeg nie, sodat my lewe van nou af net in U Naam toegewyd kan word. Baie dankie dat U my vrygestel het van my sondes".

Amen!

 

 

 

Hoe eg is jou geloof in God.

                    1 Petrus 6-7 - Verheug julle hieroor, selfs al is dit nodig dat julle 'n kort tydjie bedroef gemaak word deur allerhande beproewings; sodat die egtheid van julle geloof getoets kan word.

 

          God belowe om altyd vir ons lig te maak in donker tye.

In Jesaja 42:16 se God "Ek laat die blindes loop op 'n pad wat hulle nie ken nie. Ek laat hulle op paaie gaan wat vir hulle onbekend is. Ek verander die donker voor hulle in lig en Ek maak die ongelyk plekke gelyk."

Partykeer gaan dit baie sleg met ons, maar wat ons dan staande hou is die egtheid van ons geloof. Hou ons aan met bid, en vertrou of God, dat dit weer beter met ons sal gaan?, of,  gaan sit ons op die ashoop en gee moed op.  Hoe reageer jy dan?  Dit voel partykeer dat dit net nie beter wil gaan nie en God voel dan baie ver weg van ons. Onthou, die Here bly altyd dieselfde en Hy heers oor ons, so glo vas dat God na ons smeekgebede luister, en moet nie moed verloor nie. God het jou lief en is digby jou. Deur sy Gees lei Hy jou.

Dis wanneer die toets van ons geloof navore kom. Geloof is 'n gawe van God en 'n geskenk uit die hemel!. Dis die tyd dat jou diepste geloofsverbondenheid tot God jou moet dra en die toets van die egtheid van jou geloof moet seëvier.

Byt vas, hou vas aan God se Woord. Jy is God se kind. Geen swaarkry is heeltemal onuithoudbaar as jy weet dat God by jou is nie.

God hou die leisels vas en is in beheer.

"Hemelse Vader, gee my U volle krag sodat ek die toets kan volstaan en dat my geloof in U altyd eg sal wees".

Amen!
 

Beleef jy dalk 'n geeslike seisoen in jou lewe !

       Seisoene wat kruis in ons eie lewens     

Ons lewens is partykeer soos die seisoene van die natuur - naamlik; Winter (depressie); - Herfs (hartseer/moegheid); Lente (opgewondenheid); en dan Somer (vreugde /liefde).

                 Winter: -   Is die tyd wanneer ons voel dat niks meer sin maak nie. Wanneer ons in 'n diep depressie gaan,  en ons onttrek onsself van alles en almal, hoop dat ons probleme sal verdwyn. Jy voel kaal gestroop soos die bome in die winter. - Soms wonder jy of God nog daar is en vra dikwels die vraag, hoekom / waarom?

 Psalm 10:1 Waarom staan U so ver weg, Here? Waarom trek U, U terug in tye van nood? Dis wanneer ons moet uitreik na God - Sy hand neem.-  in Matthews 27:46 het Jesus ook uitgeroep "My God, My God, waarom het U my verlaat?" toe Hy aan die kruis gesterf het.

Bly op die Here vertrou en bid gedurig. Dis nie maklik nie, maar kry 'n vriend/in om vir jou te bid as jy dit nie self meer kan doen nie. God is altyd met jou.

                  Herfs: - Jy het 'n geliefde verloor, voel harseer en partykeer voel jy so moeg van al die stampe en stote wat jou lewenspad kruis. Kyk dan na die pragtige kleure van die blare aan die bome en plante en weet dat God Sy hand oor jou gesit het. Dis soos 'n kaleidoskoop met al the wonderlike kleure. Ons moet deur die herfs in ons lewens gaan en beproewings sal aan ons gegee word, want dit beteken dat ons geeslik groei en jy kan al die probleme wat oor jou kom, afgegooi, en vorentoe beweeg. Dis so maklik om in versoekings te kom dat.

Lukas 24:38 - "Waarom is julle so verskrik en waarom kom daar twyfel in jul harte"

 Wees standvastig en pas stiltetyd toe saam met God en bid dat Hy Sy Heilige Gees oor jou sal neerdaal. 

             Lente: - Sodra die eerste bloeisels aan die bome verskyn en jy sien skoenlappers vlieg, kom daar 'n diepe opgewondenheid van binne-af oor jou. Dit borrel van opgewondenheid vir geen rede nie. Jy weet die tyd het aangebreek vir skoonmaak. Dis die tyd dat jy ook al die spinnerakke wat nog in jou lewe is, moet afstof, asook ons verhoudings met die Here regstel. Vergifnis gee aan diegene wat onreg teen jou gepleeg het. Dit is 'n seisoen wat jy jou gebedslewe weer moet opkikker en daagliks tyd wegsit saam met God. Sing 'n loflied tot Sy eer. Dit voel of dit nie so moelik is om versoekings te weerstaan nie.

Psalm 36:10 -  U is die bron van die lewe, deur U lig lewe ons. 

Dank die Here dat Hy hierdie wonderlike seisoen in jou lewe gebring het.

                Somer: - Jy voel die wonderlike son se strale sag op jou gesig skyn. Hemels!. Daar is 'n stappie in jou stap. Dis ook wanneer ons geeslike lewe vol sonskyn is. Ons voel gesond en daar is 'n lied in ons hart. Nou is die tyd dat ons voluit lewe en doen wat die Here ons vra om te doen. Nou sing ons soos voёltjies en ons hart is vol liefde vir mekaar. Daar is ook versoekings, maar dit is makliker om te weerstaan, want jy vertrou nou weer volkome op God. Ons sien dinge raak wat ons andersins nie wou, of kon raaksien nie, en daar is meer standvastigheid in ons verhoudings.

Psalm 18:33 - God omgord my met krag; Hy maak my pad voorspoedig.
Kom ons sing 'n lied tot God oor die somer in ons lewens.

Wat ook al die seisoen is waarin jy jou bevind op die oomblik, wees dankbaar, want elke seisoen moet kom en gaan, want dis hoe ons, ons self voorbery tot God se liefde en genade, en ons ons volkome vertroue op Hom plaas.

"Here, my God, - ons is nie altyd in die somer seisoen van ons lewens nie, maar ons weet dat U ons beskerm teen die aanslae van die wêreld. Dankie dat U soveel omgee vir ons en ons help deur elke seisoen van ons lewens. Ons dank U."
Amen!

Vertrou op die Here; Hy is jou Herder

Psalm 23 - Die Here is my Herder, ek kom niks kort nie.

Dit is een van die mooiste versies in die Bybel. Toe ek 'n kind was, was ek bang vir spoke en dan het ek by my ouers gaan inkruip. My pappie het altyd met my geraas daaroor en een-oggend met my gesels. Hy sê toe vir my "my kind as jy bang is,vertrou op die Here, want Hy is jou Herder". Ek het daardie woorde nooit vergeet nie, en tot vandag, as ek baie onseker en bang is oor iets, lees ek Psalm 23:1-6.

"Die Here is my Herder, niks sal my ontbeek nie. Hy laat my neerlê

in groen weivelde; na waters waar rus is, lei Hy my heen. Hy verkwik my siel; Hy lei my in die spore van geregtigheid, om Sy Naam ontwil. Al gaan ek ook in die dal van doodskaduwee, ek sal geen onheil vrees nie; want U is met my; U stok en U staf die vertroos my. U berei die tafel voor my aangesig teenoor my teëstanders; U maak my hoof vet met olie; my beker loop oor. Net goedheid en guns sal my volg al die dae van my lewe; en ek sal in die huis van die HERE bly, in lengte van dae".

Ons almal ken voorspoed, ons ken teënspoed, maar God gee vir ons genade, liefde en veiligheid. Hy genees die wat gebroke is van hart, en Hy verbind ons wonde. God gee ons nuwe krag. Daarom kan ons met sekekerheid sê, die Here is my Herder, ek kom niks kort nie. Hy is die Alfa en Omega, die Begin en die Einde, soos 'n sirkel waar daar geen gebreekte skakel is nie.

Die Here gee ons vrede want Hy laat ons rus in groen weivelde. Die Gees van die Here is op ons, want Hy verkwik ons siel. Hy is ons lig deur die donker dae.

Hou vas aan die Here en vertrou op Hom met jou hele hart, want Hy het 'n belofte gemaak dat Hy ons Herder is, en sal nooit Sy skape laat verlore gaan nie.

"Hemelse Vader, baie dankie dat U my Herder is, dat niks my sal kortkom nie. Dankie dat ek my vertroue op U kan plaas, want U verkwik my siel".

Amen.

Lewende Hoop wat net God alleen jou kan gee

    1 Petrus 1:3 - Die lewende hoop en die egte geloof

Aan God, die Vader van ons Here Jesus Christus, kom al die lof toe! In sy groot ontferming het Hy ons die nuwe lewe geskenk, deur die opstanding van Jesus Christus, uit die dood. Nou het ons 'n lewende Hoop.

Almal van ons het hoop nodig. Iets om vas aan te hou. Sonder hoop sterf die mens. Maar rig ons, ons hoop op God?. Baie keer sê ons net wanneer dinge nie goed gaan nie; - "Öns hoop maar vir die beste". hoop dat dinge beter sal gaan - dit is wanneer ons 'n ander soort hoop nodig het; 'n hoop wat net God alleen vir ons kan gee. Ons word nuut wanneer God aan ons die geloof gee saam met sy Heilige Gees. Hou vas daaraan. Wanneer jy hoop deur die Gees van God kry, verander jou natuur en jy lewe nuut.

Deur jou hoop op God te plaas, teen alle omstandighede, kan jy alleen nuut word as God jou 'n lewende hoop gegee het. Dit vervul jou met nuwe blydskap as jy jou probleme en hoop op God gerig het. Jou toekoms sal verander en jy sal vind dat alles weer die moeite werd is.

Moenie bang wees nie, gryp die geleentheid aan en gesels met jou Vader in die Hemel want Hy sal Hom oor jou ontferm en elke dag saam met jou stap.

"Hemelse Vader, dankie dat ek my Hoop net op U kan plaas en weet dat U die Lewende Hoop aan my sal gee deur U Gees en dat ek weer nuut gebore sal wees".

Is jy reg vir jou afspraak met God. ?

                    Afspraak met God:-
                          

 

 

   Maak ons tyd om ons lewens in order te kry vir die dag dat ons, ons Kreator gaan ontmoet?  Daar is sewe dae in 'n week en ons maak afsprake vir ons besige skedules; -  sit ons een dag, of tyd ,eenkant op ons kalender, om 'n meningvolle afspraak met God te maak!.

Levitikus 23: Ses dae moet julle werk, maar die sewende dag is 'n rusdag, 'n sabbat waarop julle 'n gewyde byeenkoms, moet hou. Julle moet die sabbat aan die Here wy, waar julle ook al woon.

 

Ons tyd is so gejaag dat 'n week nie meer genoeg is om ons werk klaar te maak nie. Ek het gevind dat hoe meer tyd ek aan God gee, hoe meer tyd het ek. Gesels met jou Vader deur die dag, Hy sal sorg dat jy wel tyd gegun word om jou take wat aan jou opgedra is, klaar maak.

Ons moet ons hart regmaak, mense in die oe kyk, al verskil hulle van jou. Die Here verwag van ons om al die tyd wat Hy ons gun, op die regte manier gebruik sal maak.

 

As jy om jou kyk kan jy al die tekens alreeds sien dat ons in die eindtyd leef, maar ons hou ons blind daarvoor. Moet nie met toe oë

  rondloop nie. Praat met God, jou almagtige Vader.

 

Efesiers 5:16 - Maak die beste gebruik van elke geleentheid, want ons lewe in 'n goddelose tyd,

 

Vandat ons in hierdie werêld inkom, het God alreeds ons dag bepaal vir die ontmoeting met Hom. Daarom is dit so baie belangrik dat ons ons lewe moet inrig volgens God se woord.

Ons gaan ook nie vir altyd in vlees bly lewe nie, daarom moet ons die tyd wat vir ons gegun word reg gebruik.

Ons lewe so dat ons die tyd wat ons het, 'n vyand maak, in plaas van van 'n vriend.

In Kolosese 4 vers 5 lees ons "Tree met wysheid op teenoor die mense wat nog buite die gemeente is. Maak die beste van elke geleentheid".

God het 'n baie spesiale dag weg gesit vir ons, -  daarom het hy die sewende dag van rus vir ons gegee om kontak met Hom te bou.

My gebed: Onse Vader in die Hemel, help my om so te leef dat ek altyd tyd vir U kan weg sit en nooit sal ophou om gereeld kontak met U te hou nie, sodat ek die lewe lei wat U van my verwag en dat ek reg sal wees met my ontmoeting met U.
Amen!


 

Moenie bang wees nie, Luister as God fluister.

Josua 1:9 - "Moenie skrik nie, moenie bang wees nie, want Ek, die Here jou God, is oral waar jy gaan."

Hoe anders kan ons nie wil bang wees in die samelewing wat ons in lewe nie. Met al die koerant berigtes en nuus oor verkragting, kaping, pyn, molestering en oproer in die wêreld, maak dit baie moeilik om nie te vrees nie. Miskien is dit nie hoe menslik dit is om bang te wees nie, maar oor die hantering daarvan.

Pyn en trauma kan nie altyd vermy word nie, dit kom oor ons pad, een of ander tyd, maar as jy vasklou aan Jesus se hand, sal Hy jou vertroos in tye van pyn en nood. Vra vir die Here vir krag wanneer jy voel dat al jou kragte ingee en al bewe jy van vrees, want met Sy hulp kan jy met vasberandenheid glo dat ons lewens nie met vrees oorheers word nie, maar deur die Woord van God!

In Psalm 118:  lees ons "Die Here is by my, ek ken geen vrees nie; wat sal 'n mens aan my doen?"

Wanneer jy bang is, luister as God vir jou fluister en sê; "my kind, vertrou volkome op My en moenie bang wees nie,  Ek is die Here jou God, wat jou uit Egipte gelei het".

Onthou God fluister gereeld vir ons, as ons net wil luister, deur 'n sagte aanraking van die wind, 'n warmte op jou gesig van 'n son se straal, 'n bloeisel wat oopgaan, 'n stem in ons hart  en eweskielik 'n fladering binne ons, dis alles tekens dat God met ons is.  Kyk om jou en sien die tekens van God raak.

God gebruik soms dramatiese gebeurtenisse om ons te kry om ons ore oop te maak en na Hom te luister.

Moenie bang wees nie!

"Dankie Hemelse Vader, dat ek volkome weet dat dit nie nodig is om bang te wees nie, want U is daar om my te beskerm teen enige onheil". Help my om te luister, as U, fluister".

Amen.

Blydskap, vreugde en 'n glimlag weerspieёl deur die oё !

Spreuke 15:13 - Blydskap laat 'n mens se gesig straal.

Sodra ons opgewonde en bly is skep ons vreugde wat ons gesig laat straal en dit maak nie saak wat die dag bring nie, dit verander ons gesig, en 'n opregte glimlag is baie aansteeklik.

'n Glimlag wat ook in die oё sigbaar is, is die maklikste manier om ander te laat glimlag, want dit dra die vriendelikheid aan ander oor en skep vreugde oral waar jy mag gaan. Die vreugde van, om God by jouself te ervaar, ondanks jou omstandighede wat ook al, verander dikwels dat mense jou deur ander oё sien. Die glimlag sal nie die omstandighede waarin jy jou bevind verander nie, maar dit sê vir almal wat jy teёkom dat God nog in beheer is van Sy kinders.

Vreugde kan ook,  hoe negatief ons omstandighede is,  in die lewe van God se kinders laat besef,  dat God met ons is, want ware vreugde en blywende blydskap is alleen in die Here te vind.  Ons is God se kinders en wat 'n wonderlike geskenk is dit nie.  Blydskap maak ons kommer en laste ligter.  Om vrolik en opgeruim te wees, skep ons vreugde aan ander so ver ons gaan.

Meer nog, as jy die dag verslae voor God staan en jou sondes bely wat jy teen God oortree het, en God sê, "my kind, jy kan gaan want jou sondes is vergewe", bars die vreugde deur jou want jy is weer nuut, want Jesus het gesterf vir ons sondes.

Vriendelikheid en 'n glimlag kan nie met geld gekoop word nie, maar jy kan 'n verskil in iemand anders se lewe maak wanneer jy met opregte warmte en vriendelikheid na hom/haar kyk, maak nie saak wie die persoon is nie.

Dit is waar dat dit nie altyd maklik is om vrolik te wees nie, want alle verhoudings is broos, ons raak ouer, jy staan partykeer alleen en ander versaak jou, maar onthou God sal jou nooit versaak nie.

Psalm 43:4 - "vreugde, bring my na 'n heilige berg, na U woning, dat ek by U kan ingaan en met vreugde oor U kan jubel en juig!

Dankie Hemelse Vader dat ek met opregte vriendelikheid en blydskap na ander kan kyk want ek weet U is met my en my glimlag weerspieёl in my oё.

 Amen!

U, is my lig op my pad

Psalm 119:105 -  "U woord is die lamp wat my die lig wys, die lig op my pad"

Daar is soveel onsekerheid in ons wêreld en op ons pad dat ons partykeer wonder hoe kan ons die toekoms aanpak, as ons nie seker is waarheen ons gaan nie.  God gee ons die versekering dat Hy altyd daar is in tye van teёspoed en nood. Die Here verstoot nie sy volk wat aan Hom behoort nie.

Met die lig van God se woord kan ons met vertroue die lewe ingaan sonder om bang en angstig te wees.

 Wanneer Jesus Christus deel is van my lewe dan kan ek met die Woord van die Here as lig selfs in my donker tye van my lewe sonder bekommernisse ingaan. Ons het lig nodig en die Here gee vir ons 'n lamp...."sy Woord, sy Wet".

God se Woord is die Lig wat ons moet saamdra op ons pelgrimreis na die onbekende want dan is die lewe nie so donker nie, want die woord is die lamp van God wat die duisternisse van jou lewenspad lig gee.

Wat 'n wonderlike gedagte om te weet dat ons nooit weer in die donker sal struikel nie, want God is met ons en Sy lig sal altyd oor ons skyn.

"Dankie Hemelse Vader vir die lig van U lamp wat U ons gee om saam met ons te dra om die donkerte tye van ons lewe op te lig."

Amen!

Vertrou op die Here en vind Innerlike kalmte

 

Leer om oor als in jou lewe te bid en Hom volledig te vertrou. Plaas jou vertroue in God en glo soos 'n kind.

Vanoggend toe ek wakker word het ek geweet iets is anders. Ek het 'n innerlike kalmte ontdek in myself en besef, toe ek God vertrou het met my probleme, het Hy die leiding geneem en my laat verstaan dat alles reg sal wees. Soms verg dit net van ons om ons siel te laat gaan waar die oẽ  nie kan sien nie.

Lukas 23:46, Jesus het hard uitgeroep:  "Vader, in U Hande gee ek my gees oor".

Probeer kalm bly en ten spyte van jou omstandighede. Daardie kalmte moet in ons hart begin. God se wonderlike krag sal ons lewens verander.

Die verskil tussen 'n gejaagte mens en 'n geroepe mens is innerlike kalmte. Vra dat God saam met jou moet stap, dan sal dit nie nodig wees om krisisbestuur toe te pas wanneer dit voel of die aarde onder jou voete pad gee nie. Wees rustig soos Jesus in die storm. As jy nie weet wat om te doen nie, wag!. Die toekoms skyn so helder soos God se beloftes.

"Mag die Here jou gedagtes rig op die liefde van God en die volharding van Christus!".

God se liefde en ontferming is die dryfveer om ons te verlos. God is altyd daar vir ons. By God is daar volkom rus en kalmte. Die antwoord vir lewenstevredenheid lẽ in stil vertroue op die Here.

"Dankie Hewelse Vader dat ek my vertroue op U kan rig en dat U my die innerlike kalmte gee deur die werke van die Heilige Gees!"

Amen!

  

Vind Beskerming onder God se Vleuels

Psalm 63:8 - U is 'n hulp vir my, in die skadu van U vleuels sal ek jubel.

 

Onthou God is by ons. Hy neem ons in sy arms of sit in stilte by ons, totdat ons nie langer kan ontken dat God ook hierin by ons is nie. Sy teenwoordigheid maak dit moontlik vir ons om berusting te vind en volkome te weet dat Hy ons beskerm. God se liefde ken geen perke nie.

Daar is 'n plek waar 'n mens niks besit sit nie, maar waar niks jou ooit ontbreek nie, omdat God daar teenwoordig is en die beste en hoogste doelwit in hierdie lewe is om stil te wees en om God toe te laat om deur jou te werk en te praat. Hy sal jou beskerm teen alle aanvalle.

 

Ons moet die Here waarlik ken en in die lig van Sy aangesig wandel.  Wanneer ons voel dat ons bedreig word, moet ons die Here in gebed aanroep en  ook elke dag vir ons veiligheid en beskerming vertrou - nie net op 'n geestelike vlak van die duiwel se versoekings nie, maar ook op 'n fisiese vlak van bose mense.

 

As ons egter ons toevlug by die Here neem, sal Hy ons beskut en bewaak onder Sy vleuels .

 

God is lief vir jou en my. Hy is die bewaarder van almal wat in Hom glo. God sal jou bewaar en beskerm omdat Hy jou naam ken en Hy sal jou aanroep in nood en sal altyd by jou wees.

 

Psalm 1:1-3 - Gelukkig is die mens wat vreugde vind in die gebooie van die Here. Hy is soos 'n boom geplant langs waterstrome, wat vrugte dra op die regte tyd. Sy blare verwelk nie; in alles wat Hy doen, is Hy voorspoedig.

 

My gebed: "Here, dankie dat U die Bewaarder en Beskermer is van almal wat toevlug by U neem.  Dankie dat ons veilig is by U want ons is diep van U afhanklik. Dankie dat U ons onder U vleuels neem wanneer ons berskerming soek, in Jesus naam alleen."

Amen